Hemen dira Bertanen deskontu kupoiak
2015ko aza. 3a, 17:23
Hemen dira, beste behin, Bertan Azpeitiko Merkatari Elkartearen deskontu kupoiak. Azpeitiko 50 saltokiren parte-hartzearekin, deskontu kupoiez osaturiko liburuxka banatu da, atzo eta gaur, herriko etxe guztietara.\
\
Kupoia moztu eta dendan aurkezten duenak, aipatzen den eskaintzaz gozatu ahal izango du. Deskontuak, opariak, zozketak... denetarik aurki dezakegu.\
\
Ez dago baldintza gehigarririk, ez da Bertan fideltasun txartelaren erabiltzaile izan behar, kupoia dendan aurkeztea nahikoa da eskaintza baliatzeko.\
\
Etxean kupoiak jaso ez dituztenei zuzendurik, http://urolakosta.hitza.eus/ helbidean deskargatu ahal izango dira datozen egunetan.\
\
Herrian kontsumitu eta prezio bikainak eskuratzeko aukera ederra. Aprobetxatu!