Logo lehiaketa, hilaren 23ra arte

Erabiltzailearen aurpegia Azpeitiko Sokamuturra500 | Iruzkina
2017-11-16 10:26

Gaur zortzi (hilaren 23an) bukatuko da Herri Batzordeak antolatutako '2018an Azpeitiko sokamuturrak 500 urte' ospakizuneko logotipo lehiaketan lanak aurkezteko epea.

Edonork har dezake parte lehiaketan, eta, bakoitzak, gehienez, bi lan aurkeztu ahal izango ditu. Modu digitalean aurkeztu beharko dituzte logoak, koloretan edo txuri-beltzean, eta USB edo CD batean eraman beharko dira.

Lanek ospakizunari dagokion izenburua eduki behar dute goiburuan: 'Azpeitiko sokamuturrak 500 urte'. Lehiaketan parte hartzen dutenek sinatu gabe aurkeztuko dituzte logoak, eta aparteko kartazal batean jarriko dituzte honako datuak: Jaiotze data, NAN edo EHNA zenbakia, herria, helbidea, telefono zenbakia eta e-posta.
Helbide honetara bidali beharko dituzte lanak: Zezen Beltz Elkartea, Goiko kale 16, behea, 20730 Azpeitia.

500. ospakizuneko Herri Batzordeak osatuko du epaimahaia, eta irabazleak 300 euroko saria jasoko du.

Informazio gehiago honako helbidean aurki daiteke: http://uztarria.eus/komunitatea/AzpeitikoSokamu...

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa