EAJ Eusko Jaurlaritzako Nekazaritza sailburuordearekin bildu da

Erabiltzailearen aurpegia Azpeitiko EAJ | Politika | Argazkia
2017-06-30 13:01

Bittor Oroz, Eusko Jaurlaritzako Nekazaritza, Arrantza eta Elikadura Politikako sailburuordearekin bildu da Azpeitiko EAJ, "herrian mahai gainean dauden hainbat gaiez hitz egiteko". Bileran, azoka plaza berritzeko lanak izan dituzte hizpide, besteak beste. Alderdi jeltzaleak azaldu duenez, proiektu horren garrantzia azpimarratu diote Orozi. Izan ere, EAJk uste du "berdura plazako eraikina bera eta, batez ere, bertan bultzatuko diren ekimen ezberdinak herriaren motore izan behar dutela". Hala, sailburuordeari eskatu diote babes dezala "herriarentzat hain garrantzitsua den proiektu hau".

Azpeitiko EAJk sailburuordearekin izandako bilera "positiboa" izan dela azaldu du. Horrez gain, "denon artean, herriarentzat garrantzitsuak diren gaietan aurrerapausoak emateko prest" agertu direla nabarmendu dute herriko jeltzaleek.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa