Kirolak

Elbarrituen kiroletan emaitza onak lortu dituzte azpeitiar kirolariek

Amue | 2002-06-28 : 11:06 | Kirolak

Xabier Madinak, maiatzaren 25 eta 26an Lleidan jokatu zen Slalom-eko Espainiako txapelketan aurreneko postua lortu zuen.

Joseba Albizu 'Girinoan' bigarrena izan da

Uztarria.eus | 2002-06-25 : 15:06 | Kirolak

Joseba Albizu azpeitiarra 26 urtetik beherakoen Italiako Girinoan bigarrena izan da. Albizuk Giussepe Muragliak, irabazleak, baino 32¨ gehiago behar izan zituen. Lortutako emaitzaren ondoren Italiako taldeetatik proposamenak ere izan ditu.

 

»» Erantzunak: 5 (Uztarria.eus)

Pablo Ibarren alde, herri kirol jaialdi erraldoia egingo da Azpeitiko zezen-plazan

Uztarria.com | 2002-06-14 : 12:06 | Kirolak

Bihar, ekainak 15, Azpeitiko zezen-plazan herri kirol jaialdiaz gozatzeko aukera izango da. Herri kirol jaialdia Pablo Ibar gaztearen alde antolatu da. Jakina denez, Pablo Ibar heriotzaren korridorean aurkitzen da, Ameriketako Estatu Batuetan hain zuzen ere. Hori dela eta, jaialdian bilduko den diru kopurua (sarrera 10 eurokoa da) berari laguntzeko erabiliko da.

»» Erantzunak: 1 (Uztarria.eus)

Futbitoko begirale titulua lortzeko ikastaroa antolatu da

Uztarria.com | 2002-06-13 : 19:06 | Kirolak

Orain gutxi sortu den Eskolako Kirolerako Kontseiluak, Iraurgi Lantzenen bitartez, 2002-2003 rako, Azkoiti-Azpeitiko ikastetxeetako kirol programa antolatzeari ekin dio. Programako ekintza nagusienetako bat, futbitoko begirale titulua lortzeko aukerarena da. Nahiz eta klaseak irailean izango diren, izena emateko epea uztailaren 15ean bukatuko da.

2001-2002 futbol denboraldiari bukaera eman zioten Ikasberrikoek

Uztarria.com | 2002-06-12 : 11:06 | Kirolak

Ikasberriko futbol taldeetako kideek 2001-2002 denboraldiari bukaera eman zioten joan den larunbatean. Denboraldiaren amaiera ospatzeko afari bat egin zuten Kiruri jatetxean eta bertan, 50 jokalari eta 20 bat guraso elkartu ziren.

Mikel Labakak Realarekin egingo du aurre denboraldia

Uztarria.com | 2002-06-10 : 11:06 | Kirolak

Azken aste hauetako zurrumurrua baieztatu da, eta Mikel Labakak, Reala Bko jokalariak, Realarekin egingo du aurre denboraldia. Uztarria aldizkarian jakitera eman genuen laster argituko zela Mikel Labakaren geroa, egun hauten Reynald Denoueix, entrenatzaile frantziarra, erabakiak hartzekotan baitzen.

»» Erantzunak: 3 (Uztarria.eus)

'Uda Kirola 2002'-an parte hartzeko izena eman daiteke dagoeneko

Uztarria.com | 2002-06-05 : 13:06 | Kirolak

Azpeitiko Udaleko Kirol Batzordeak haur eta gazteentzat Uda Kirola 2002 programa martxan jarri du. Honela, aerobik, mendiko bizikleta, tenisa, eskalada eta patineta on line ikasteko aukera dute 9-16 urte bitarteko azpeitiarrek ekaina eta uztailean.

Zarautz Preferentean Joseba Zubizarreta azpeitiarra izango da entrenatzailea 2002-2003 denboraldian

Uztarria.com | 2002-06-04 : 18:06 | Kirolak

Joseba Zubizarreta "Galtxa" izango da 2002-2003 denboraldian Zarautz Preferenteko entrenatzaile berria. Bere ondoan, Fermin Yerobi arituko da laguntzaile bezala eta Asier Landa prestatzaile fisiko eta atezainen entrenatzaile gisa.

Festa giroa larunbatean Lagun Onak Hirugarren Mailara igo dela-eta

Uztarria.com | 2002-05-28 : 16:05 | Kirolak

Lagun Onakekoak eta futbol zaleak gustora dira taldea Preferenteko irabazle suertatu, eta datorren urtean 3. mailan jokatuko duelako berriro.

 

»» Erantzunak: 4 (Uztarria.eus)

Nuarbe onena larunbatean

Uztarria.com | 2002-05-27 : 17:05 | Kirolak

Larunbatean eman zitzaion hasera Euskal Herriko Txapelketari Nuarben, eta egun ezin hobea izan zen bertakoentzat. Tiraldi guztiak bereganatu zituzten nuarbetarrek, eta lur gainean areriorik ez dutela erakutsi zuten.

 

Nuarben hasiko da Sokatirako Euskal Herriko Txapelketa, bihar

Uztarria.com | 2002-05-24 : 14:05 | Kirolak

Bihar emango zaio hasera Euskal Herriko Txapelketari Nuarben, arratsaldeko bostetan. Txapela ligaz erabakiko da, eta lehiak bi hilabete iraungo ditu. Sei klub arituko dira norgehiagokan: Nuarbe, Mutriku, Getxo, Goiherri, Abadiño eta Areso.

»» Erantzunak: 1 (Uztarria.eus)

Gipuzkoako Areto Futboleko Federazioak Lehenengo Mailarako txartela lau taldek eskuratuko dutela jakinarazi du

Azpeitiko Areto Futbol Taldea | 2002-05-20 : 19:05 | Kirolak

Jostaldi Kirolakek Lehenengo Mailan jokatuko du datorren denboraldian. Azpeitiarrek hirugarren postua ziurtatu zuten joan den asteburuan Legorretako Bilkoini 6-0 gailendu ostean eta Federazioak jakitera eman duenez,igoera automatikoki emango dutenak sailkapeneko lehenengo lau taldeak izango dira. Ligari amaiera emateko Jostaldi Azkoitiko Plaza Berriren aurka lehiatuko da datorren larunbatean.

Ikaspilotaren jaialdi berezia Izarraitzen larunbatean

Ikaspilotako antolatzaileak | 2002-05-20 : 17:05 | Kirolak

Ikaspilotaren eskutik eta KUTXAren laguntzaz Maiatzaren 25ean, Gipuzkoako pilota topaketen egun berezia ospatuko da Izarraitz pilotalekuan.

 

Lagun Onak-ek Hirugarren Mailako txartela jokoan larunbatean, Zarautzen

Uztarria.com | 2002-05-20 : 15:05 | Kirolak

Azken jardunaldi erabakigarria jokatuko da larunbatean futboleko Preferente mailan, Tolosa edo Lagun Onak Hirugarren Mailara igoko direlako. Biak berdinduta daude, baina gol aldea tolosarren alde dago.

Jostaldi hirugarren postuan da eta Lehenengo Mailara igotzeko aukerari eusten jarraitzen dio

Azpeitiko Areto Futbol Taldea | 2002-05-08 : 18:05 | Kirolak

Denboraldia amaitzeko hiru jardunaldi besterik gelditzen ez direnean, areto futboleko Jostaldik Lehenengo Mailara igotzeko dituen posibilitateak bere hortan jarraitzen dute. Talde azpeitiarra sailkapeneko hirugarren postuan kokatu da ligako azkenengo bi partidak irabazi ostean eta igoera oraindik automatikoki lortu en duen arren, denboraldi amaieran berau eskuratzeko aukera dezente dituela esan daiteke, gorengo dibisioetako gorabeherak direla medio.

Joxe Takolo 2002 Bekak “maila handiko eta orijinaltasunezko proiektuak” bultzatuko ditu

Uztarria.com | 2002-05-03 : 17:05 | Kirolak

Joxe Takolo Bekak goi-mendizaletasuna bultzatzeko asmoz Euskal Herriko Mendi Federazioko kide diren Euskal Autonomi Erkidegoko mendizale, mendi-elkarte eta beste hainbat eratako elkarte eta taldek antolatutako maila handiko eta orijinaltasunezko proiektuak bultzatuko ditu. Beka 3.606,07 eurokoa da (600.000 pezeta), eta Gipuzkoako Foru Aldundiak, Euskal Herriko Mendi Federazioak eta Azpeitiko Udalak finantzatuko du.

Areto futboleko Jostaldik partida erabakigarria jokatuko du ostegunean

Azpeitiko Areto Futbol Taldea | 2002-04-30 : 18:04 | Kirolak

Jostaldi Kirolakek norgehiagoka erabakigarriak jokatuko ditu aste honetan etxean. Lehena, ostegunean, 19.30etan, Tolosako Laskorain taldearen aurka (5.sailkatua) eta bigarrena, larunbatean, Legazpiko La Bellotaren kontra. Bi partidak irabaziz gero, talde azpeitiarrak aurrerapauso garrantzitsua emango luke Lehenengo Mailara igotzeko lehian.

Azpeitiko III. Erremonte Txapelketa atzo aurkeztu zen

Uztarria.com | 2002-04-30 : 12:04 | Kirolak

Hiru urtetan jarraian, Azpeitiko Kirol Batzordeak Azpeitiko Erremonte Txapelketa antolatu du profesional hasiberrintzat. Honekin, erremontea bultzatu nahi da, etorkizunari begira aukera berria eskuratzen duten jokalari gazteen bitartez.

 

Jostaldik sailkapeneko hirugarren postua eskura du

Azpeitiko Areto Futbol Taldea | 2002-04-16 : 19:04 | Kirolak

Azpeitiko areto futbol taldeak sailkapeneko hirugarren tokia eskura dezake asteburu honetan, baldin eta postu horretan aurkitzen den taldeak, Ormaiztegiko Irizarrek, garaipena lortzen ez badu eta bera Donostiako Antxeta Bodegiari gailentzeko gai bada. Jostaldik urrezko sei puntu lortu ditu azkenengo bi jardunaldietan eta datozen hiru norgehiagokak etxean jokatuko ditu.

Lagun Onak mendi taldekoak Aste Santutan Guadarraman izan ziren

Lagun Onak M.B. | 2002-04-16 : 12:04 | Kirolak

Lagun Onak mendi elkarteak Aste Santuan egin zuen irteeran Guadarramako mendikatea ezagutzeko aukera izan zuen. Irteeran 44 mendizalek parte hartu zuten.

 

»» Erantzunak: 1 (Uztarria.eus)

Emaitzak: 4293 | Orriak: 1 2 3 4 ... 209 210 211 212 213 214 215