Herria

Gazteek akusazio denak ukatu dituzte

GAZTEAK | 2002-03-14 : 13:03 | Herria

Uztarria.com-en aurretik ateratako informazioa zuzenduz, Txikiteo Eleganteko auziaren ondotik auziperatutako gazteek ezer ezkutatzeko ez dutela esan dute.

»» Erantzunak: 1 (Uztarria.eus)

Zortzi gazte deklaratzera deituak izan dira 'Autoritateei erasotzearen' akusaziopean

AGZ?! | 2002-03-11 : 19:03 | Herria

Elegante eguneko gertaeren ondorioz zortzi gazte deklaratzera deituak izan dira Autoritateei erasotzearen akusaziopean. Atzo deklaratu zuten gazteek Azpeitiko Epaitegian.

 

Larunbat gauetarako Azkoitia-Azpeitia autobus zerbitzua jarriko da

Uztarria.com | 2002-03-01 : 11:03 | Herria

Larunbat gau eta goizaldeko autobus zerbitzuak ugaritu egingo ditu Gipuzkoako Foru Aldundiak, tartean Azkoitia-Azpeitia zerbitzua.

Uztarriaren ale berria dagoeneko kalean da

Uztarria.com | 2002-02-28 : 17:02 | Herria

Uztarria Azpeitiko herri aldizkariaren ale berri bat kalean da, eta asteburu honetan herriko harpidedun eta bazkideen buzoietara banatuko da. Martxoko ale honek 48 orri ditu.

Jose Luis Otamendiren lehen liburua Interneten

Literatur Emailuak | 2002-02-28 : 11:02 | Herria

Jose Luis Otamendi idazlearen lehenengo liburua "Azken undinaren kaira" (poemak, eta amaieran antzezlan bat) interneten da. Liburua Ustela Saila argitaletxean publikatu zuen Jose Luis Otamendik. "Ustela Saila argitaletxea 1977ko martxoan sortu zen, duela 25 urte. Eta hori ospatzeko, argitaletxe horren lehen eta azken liburuak osorik daude Interneten. Tartean Jose Luis Otamendi idazlearena.

Udalari EHNA babesteko eskatuko zaio

Uztarria.com | 2002-02-27 : 17:02 | Herria

Bai Euskal Herriari herri ekimenak martxoan Azpeitiko Udalari euskal nortasunaren inguruko bi eskaera egingo dizkio, ohiko udalbatzarrean; batetik, euskal nortasun agiriari (EHNA) Udalak babesa eta oniritzia ematea eskatuko du, eta, bestetik, agiri hori ateratzeko behar diren azpiegitura eta baliabideak Azpeitiko Udalak bere gain hartzea.

 

Zuhaitz Eguna larunbatean ospatuko da

Agenda 21 | 2002-02-27 : 16:02 | Herria

Hurrengo larunbatean, martxoaren 2an, 2002 urteko Zuhaitz Eguna ospatuko da. Aurtengoan ekitaldi ofiziala Azpeitian izango da, eta bertan izango dira Gipuzkoako Foru Aldundiko eta Azpeitiko eta Azkoitiko Udaleko ordezkariak. Ekitaldia goizeko 11:00etan hasiko da, Azpeitia eta Azkoitiko 220 ikaslek 300 zuhaitz landatuko dituzte Ingurugiro Etxearen inguruan.

Azpeitiarrok adi! "Baite"ko zozketa abian da!

"Baite" Azpeitiko Euskara Elkartea | 2002-02-26 : 23:02 | Herria

Baite Azpeitiko euskara elkarteak Baiteko bazkideen arteko zozketa jarriko du martxan datorren martxoaren 2an hasita. Hamabostean behin Baitek herriko hainbat dendak eta Baiteren laguntzailek emandako produktuak zozketatuko ditu bere bazkideen artean.

Arratsaldean izango da hileroko Ganadu Peria

Uztarria.com | 2002-02-20 : 13:02 | Herria

Gaur arratsaldean, 15:00ak aldera hileroko Ganadu Peria izango da Enparantza Nagusian. Ohi bezala, hainbat lagun bilduko da bertara baserriko tresna eta animalien salerosketara.

 

Gazte Lokalaren aldeko manifestazioa

Azpeitian Gazteok Zer?! | 2002-02-19 : 20:02 | Herria

Gazte Lokalaren alde eta joan den igandean jasotako gertaerak salatzeko manifestazioa antolatu du Azpeitian Gazteok Zer?! taldeak "Erazorik Ez Gazte Lokala Orain" lemapean.

Igandeko gertakariek islada nabarmena izan dute komunikabideetan

Uztarria.com | 2002-02-13 : 20:02 | Herria

Igandean herrian izandako gertakariek zeresan handia eman dute komunikabide ezberdinetan. Gure herria guztien ahotan ibili da egun hauetan Azpeitiak Gazteok Zer?! eta Jose Mari Bastida alkatearen artean izandako liskarra dela eta. Azkoitiko Ertzainetan parte eman dute Iker Salegik, buruan zazpi puntu behar izan dituen gazteak, eta Eneko Ibargurenek, alkateak ezpainean egin omen dion zauria dela-eta. Bestalde, Alkateak berak ere oraindik parte eman ez badu ere horretarako intentzioa adierazi du irain eta erasoak jasan omen dituela-eta.

 

Eztabaida publikorako dei bat luzatu du Azpeitian Gazteok Zer?! taldeak

Uztarria.com | 2002-02-13 : 19:02 | Herria

Gaur eguerdian Azpeitian Gazteok Zer?! taldeak Txikiteo Eleganteko gertakaria dela eta prentsaurrekoa eskaini dute Aitonena Ieko aretoan. Bertan, "mamuak Gazte Lokalaren aldarrikapena era baketsuan egiten duten mozorroak" direla jakinarazi dute, eta Gazte Lokalaren inguruan udalean duela bi urte aurkeztu zutela txostena, eta oraindik erantzunik ez dutela jaso azaldu dute. Bestalde, PNV, IU, EA eta Eusko Jaurlaritzatik "entzundako barrabaskerien" aurrean beren haserrea ere adierazi dute, eta "Gentuza taliban", "la lacra de Azpeitia", eta horrelako espresioak erabili dituzten "ahoberoei" eta alkateari dei bat ere luzatu die eztabaida publikorako bai igandeko gertaeren inguruan hitz egiteko, bai Azpeitiko gazteen inguruan hitz egiteko.

 

Gazteen lokalak behin betiko adostea eskatu du Batasunak

Uztarria.com | 2002-02-13 : 18:02 | Herria

Gaur Bozeramaileen Batzordean ez da adostasunik izan, eta Azpeitiko Batasunako udal taldeak, idatzi bat kaleratu du igandeko gertaeraren inguruan. Bertan, "Gazte Lokalen auzia aspalditik datorren gaia" dela jakinera ematen dute, eta joan den otsaileko gertaerak "testuinguru horretan" ikusi behar direla ere azaltzen dute, eta "komunikabideetan alkateak egin duen gertaeren erabilera interesatua, nahita nahastuz gazteen eskaera, eta ezker abertzalearen kontrako salaketak" gaitzetsi dituzte. Bide batez, idatzi honetan alkateari eta udal gobernuari "konponbidea heltzeko garaia" dela-eta gazteekin biltzea eta elkarrizketaren bitartez egoera bideratzeko eskaria egiten diete.

Azken hilabeteotan alkate eta EAJ-Eako zinegotziek irainak eta erasoak jasan dituztela azaldu dute

Uztarria.com | 2002-02-13 : 18:02 | Herria

Gaur eguardian pasa den igandeko gertakaria dela eta, Jose Mari Bastida alkateak eskatuta Bozeramaileen Batzordea bildu da. Bertan, hiru alderdietako ordezkariak - EAJ-tik IƱaki Etxezarreta, EA-tik Jose Mari Beobide, eta Batasunetik Miren Odriozola - eta alkatea bera izan dira. EAJ eta EA-ko ordezkarien adostasunez idatzi bat atera dute. Batasunak bestalde bere aldetik beste bat atera du.

 

Drogamenpekotasunen Aurre Hartze Mahaia osatu da

Uztarria.com | 2002-02-06 : 17:02 | Herria

Azkeneko urteetan alkohola eta sintesiko drogak hartzeko joerak gazteen artean gora egin duela-eta udalaren ekimenez, Gizartekintza eta Gazteria sailak bultzatuta, drogamenpekotasunei aurre egiteko Aurre Hartze Egitasmoa martxan jarri da. Egitasmoaren helburua Aurre Hartzeko politika sortzea da, besteak beste. Honela herriko eragile guztien bidez arriskuak gutxitzeko jarrera eta portaerak gehitzeko asmoa du. Eta berau lortzeko bideetako bat Aurrea Hartze Mahaiaren osaketa da. Mahaia gurasoen ordezkariek, irakasleen ordezkariek, herriko taldeen ordezkariek, psikologo eta egitasmoaren bultzatzaileek osatzen dute.

Santa Ageda bezperan ohitura jarraituz kopla kantari

Uztarria.com | 2002-02-05 : 15:02 | Herria

Atzo, Santa Ageda bezperera genuen, eta ohitura jarraitu asmoz Urola Ikastolako ikasleak eta Ikasberri Azpeitiko Ikastolakoak kopla kantari santa eskean ibili ziren herriko kaleetan.

 

Aitonenak aurtengo kuota ordaintzeko epemuga ireki berri du

Uztarria.com | 2002-02-05 : 14:02 | Herria

Aitonena elkarteak aurtengo urteari dagokion kuota ordaintzeko epemuga zabaldu berri du. 2002 urteari dagokion kuota 4€ (666 pzta) da. Ordainketak Aitonena Ieko bulegoan edo Sanjuandegi auzoko Aitonena II egoitzan egin daitezke.

Bi sute gertatu dira Azpeitian

Uztarria.com | 2002-02-04 : 13:02 | Herria

Pasa den asteburuan bi sute gertatu dira Azpeitiako lurretan. Bata, ostiralean Izarraitzen, eta bestea larunbatean, Urraki aldean. Bi suak itzalita dira.

 

Nuarbeko urtegia iazkoaren aldean erdira jaitsita dago

Uztarria.com | 2002-02-04 : 13:02 | Herria

Nuarbeko Ibai-Eder urtegia ia erdi hutsik da gaur egun. Pasa den urtean, garai honetan, %83,85a beteta zuen, aurten aldiz, %44,48a baino ez du. Nuarbeko urtegiak 60.628ko populazioa hornitzen du, eta 11.300.000 litro biltzeko gaitasuna du.

 

Uztarria herri aldizkariaren ale berri bat banatu da

Uztarria.com | 2002-01-31 : 18:01 | Herria

Azpeitiko Uztarria Kultur Koordinadorak, otsaileko herri aldizkariaren alea banatuko du aste honetan bertan. Jadanik, alea oso-osorik irakurri dezakezu webgune honetan, eta nahi izatera, aldizkaria jasotzeko harpidedun edota bazkide ere egin zintezke.

Emaitzak: 438 | Orriak: 1 2 3 4 ... 17 18 19 20 21 22