Xabier Etxeberria (Azpeitia, 1999) Indiako mendebaldeko Maharashtra estatuko Pune hirian bizi da gaur egun. RPK enpresaren lantegian ekoizpen buru ari da lanean, iazko irailaren bukaeratik. Autoentzako, hegazkinentzako eta injekzioentzako malgukiak ekoizten dituzte. 2024ko apirileko Uztarria aldizkariko Hantxe bertan atalean kontatu ditu azpeitiarrak hango bizipenak.

Aniztasun Izpiak Kilometroak Txikia festa eguna izango da datorren larunbatean, apirilaren 27an. Egun guztirako egitaraua antolatu da, eta tartean, 19:00etan hasita, Krostadarra martxa. Herritar guztiak bertan parte hartzera deitu dituzte herriko hainbat kirolarik, "edozeinek bere martxan egiteko moduko ibilbidea" dela azalduz.