Baigera jubilatuen eta pentsiodunen elkarteak eskulan tailerra antolatu nahi du, eta dagoeneko zabaldu du bertan izena emateko aukera. Halere, aurrera ateratzeko parte hartzaile kopuru minimoa ezarri du elkarteak, beraz, taldea irtetzen bada bakarrik antolatuko du jarduera. Izen-ematea Baigeraren bulegoan egin daiteke.
Antolatzaileek azaldu dutenez, asmoa eskulan tailerrarekin maiatzean hastea da.