Hamaika lurraldearen defentsan sortutako diziplina anitzeko proiektu artistikoa da. Euskal Herrian ezarri nahi diren makroproiektuek naturan izango duten eragina azalduz, hamaika irudigilek egindako arte adierazpenek osatzen dute erakusketa. Horiekin batera, proiektuek "kalteak" eragin dizkietenen testigantzak ere biltzen ditu.
Etxalarko (Nafarroa) Haizeak Bizirki taldearen ekimenez sortu da erakusketa ibiltaria, eta Sañu Bizirik taldearen eskutik iritsiko da Azpeitira. Sanagustin kulturgunean egongo da ikusgai larunbat eguerdiko 12:00etatik apirilaren 14ra bitartean. Sañu Bizirik taldeak erakusketara bertaratzeko gonbitea luzatu die herritarrei.