Urtarrilaren 8tik ia etenik gabe itxita egon ondoren, gaur berriro ireki dute oinezkoentzako 1766ko Matxinada kalea. Gabonetako oporraldia amaitu bezain pronto jarri zituzten martxan anbulatorio ondoko zubiaren irisgarritasuna hobetzeko lanen azken fasea eta kaleko espaloiak-eta hobetzeko lanak. Azken txanpan sartu dira lan horiek, eta ibilgailuentzat oraindik itxita badago ere, oinezkoak pasatu daitezke dagoeneko ibai ondo kale horretatik.
Dena den, kalea behin-behinean ireki dute. Besteak beste, margotze lanak egiteko dituzte –zehaztu gabe dago noiz egingo dituzten–, eta horiek egiteko berriro itxi beharko dute pasabidea.