Gabonak iritsita, aurtengoan ere Jaiotza atondu dute Frantziskanetako komentuan. Gaur, Eguberri egunean, inauguratu dute, eta herritarrak gonbidatu dituzte hura ikustera. Errege egunera arte izango da Jaiotza ikusteko aukera: hain zuzen ere, goizez, 09:00etatik 13:00etara izango da gunea zabalik, eta arratsaldez, 16:00etatik 20:00etara.
Bestalde, parrokiko jaiotza ere ikusgai dago dagoeneko. Hango ordutegia 17:00etatik 20:00ak arterakoa da, beti ere hileta elizkizunik ez badago.
