Morante de la Puebla ez da izango bihar Azpeitiko zezen plazan. Saninazioetako hirugarren eta azken zezenketarako iragarrita zegoen, Paco Ureñarekin eta Juan Ortegarekin batera; baina sanferminetan Iruñean izandako lesiotik guztiz osatu gabe dagoela eta, baja izango da Morante de la Puebla.
Zezenzale Batzordeak atzo bertan jakinarazi zuen Daniel Luque izango dela Moranteren ordezkoa San Inazio bigarreneko zezenketan. Luquek atzo ere toreatu zuen Azpeitian, eta iazko saninazioetako zezenketa feriako toreatzaile onenaren saria ere jaso zuen zezen plazan bertan.