Urtarrilaren 31n itxiko dute 2018an kultur taldeei zuzendutako diru-laguntzen gaineko zuriketak aurkezteko epea. Taldeek urteko ohiko jarduerak antolatzeko jaso dituzten diru-laguntzak justifikatu behar dituzte, eta horretarako, honako agiri hauek aurkeztu behar dituzte Herritarren Arreta Zerbitzuan (udaletxeko lehen solairuan), hilaren 31 baino lehen: eskaera orria, jaso den diruaren likidazioa –izandako diru sarrerak eta gastuak zehaztuta– eta egindako ekintzen memoria laburra. Zalantzak argitzeko edo laguntza eskatzeko Kultura Sailera jo daiteke, kultura@azpeitia.eus helbidera idatzita edo 943-15 70 68 telefonora deituta.