Azpeitiko Udalak amaitzear ditu Urrestillako Kaleaundian eta Kalebarrenean ur hoditeriak aldatzeko obrak, eta hori dela eta, Lurraldebusen UK04 autubus zerbitzuko Urrestillako geltokia bere ohiko lekura itzuli da gaur. Izan ere, irailean lanak hasi zituztenetik, Azpeitia eta Beizama arteko autobusak auzoaren bidegurutzean egin ditu geldialdiak, baina dagoeneko ireki dituzte Kaleaundia eta Kalebarrena ibilgailuentzat, eta, beraz, aurrerantzean autobusa herri barruan geratuko da berriz.