Aktualitatea

Drogamenpekotasunen Aurre Hartze Mahaia osatu da

Uztarria.com | 2002-02-06 : 17:02 | Herria

Azkeneko urteetan alkohola eta sintesiko drogak hartzeko joerak gazteen artean gora egin duela-eta udalaren ekimenez, Gizartekintza eta Gazteria sailak bultzatuta, drogamenpekotasunei aurre egiteko Aurre Hartze Egitasmoa martxan jarri da. Egitasmoaren helburua Aurre Hartzeko politika sortzea da, besteak beste. Honela herriko eragile guztien bidez arriskuak gutxitzeko jarrera eta portaerak gehitzeko asmoa du. Eta berau lortzeko bideetako bat Aurrea Hartze Mahaiaren osaketa da. Mahaia gurasoen ordezkariek, irakasleen ordezkariek, herriko taldeen ordezkariek, psikologo eta egitasmoaren bultzatzaileek osatzen dute.

C.D. Lagun Onak taldeak Fuengirolarako bidaia zozketatzen du

Uztarria.com | 2002-02-06 : 12:02 | Taldeak

Lagun Onak taldeak 8 egunetako egonaldia bi lagunentzako Fuengirolan, Malagan, zozketatzen du. Eta ez Benidorm-era jada salgai diren billeteetan azaltzen den bezala. Zozketa martxoaren 16an egingo da, eta Espainiko Loteriko azken lau zenbakiak kontutan hartuko dira.

AEKren III. Losintxa lehiaketa martxan da

AEK | 2002-02-06 : 10:02 | Taldeak

Martxan da AEK-k antolatzen duen III. Losintxa Lehiaketa. Otsailaren 8tik martxoaren 13a bitartean izango da losintxak aurkezteko epea. Losintxarik hoberenaren saria lortzen duenak, asteburu eder bat Euskal Herriko nekazal turismo batetan igarotzeko aukera izango du.

Santa Ageda bezperan ohitura jarraituz kopla kantari

Uztarria.com | 2002-02-05 : 15:02 | Herria

Atzo, Santa Ageda bezperera genuen, eta ohitura jarraitu asmoz Urola Ikastolako ikasleak eta Ikasberri Azpeitiko Ikastolakoak kopla kantari santa eskean ibili ziren herriko kaleetan.

 

Aitonenak aurtengo kuota ordaintzeko epemuga ireki berri du

Uztarria.com | 2002-02-05 : 14:02 | Herria

Aitonena elkarteak aurtengo urteari dagokion kuota ordaintzeko epemuga zabaldu berri du. 2002 urteari dagokion kuota 4€ (666 pzta) da. Ordainketak Aitonena Ieko bulegoan edo Sanjuandegi auzoko Aitonena II egoitzan egin daitezke.

Arrantzarako lizentzia ateratzeko epea zabaldu da

Uztarria.com | 2002-02-05 : 13:02 | Kirolak

Federazioko arrantza lizentzia atera nahi dutenek Ollagorra Caza y Pesca Elkartearen bidez egin dezakete.

Bi sute gertatu dira Azpeitian

Uztarria.com | 2002-02-04 : 13:02 | Herria

Pasa den asteburuan bi sute gertatu dira Azpeitiako lurretan. Bata, ostiralean Izarraitzen, eta bestea larunbatean, Urraki aldean. Bi suak itzalita dira.

 

Nuarbeko urtegia iazkoaren aldean erdira jaitsita dago

Uztarria.com | 2002-02-04 : 13:02 | Herria

Nuarbeko Ibai-Eder urtegia ia erdi hutsik da gaur egun. Pasa den urtean, garai honetan, %83,85a beteta zuen, aurten aldiz, %44,48a baino ez du. Nuarbeko urtegiak 60.628ko populazioa hornitzen du, eta 11.300.000 litro biltzeko gaitasuna du.

 

Lagun Onak taldeak bigarren jarraitzen du preferente mailan

Uztarria.com | 2002-02-04 : 12:02 | Kirolak

Emaitza ezberdinak lortu dituzte asteburuan Lagun Onak futbol taldeek. Mutilek, preferente mailan 4-0 irabazi zuten Irun 1902 taldearen kontra jokatutako partidan, eta jubenilek 3-5 galdu zuten Zarautzen kontra. Neskek, Leioakoen kontra hutsean berdindu zuten. Hiru partidak etxean jokatu zituzten, Garmendiko zelaietan.

XI. Santo Tomas 2001 Argazki Lehiaketa martxoa arte atzeratu dute

Uztarria.com | 2002-02-04 : 11:02 | Besterik

Azpeitiko Argazki Elkarteak antolatutako XI. Santo Tomas 2001 Argazki Lehiaketako sari banaketa eta erakusketa martxora arte atzeratu dira Antxieta Etxeko berritze lanak direla-eta. Lehiaketako sari banaketa eta erakusketa gaur arratsaldeko 19:00etarako aurreikusita ziren, baina atzeratzea erabaki da “herrian argazkiekin erakusketa egiteko leku egokirik ez delako une honetan” argazki elkartekoen esanetan.

17 gazte gose greba mugagabean daude Iruñean

Azpeitiko SEGI | 2002-02-03 : 20:02 | Taldeak

Iruñeako eliza batetan 17 gaztek gose greba mugagabeari ekin diote, Segi gazte erakundeak jasandako erasoak salatu asmoz. Eta berauen artean Igor Lopez zestuarra aurkitzen da. Gose grebak irauten duen bitartean hainbat ekimen antolatuko dira herri guzietan, Azpeitian barne.

Joxe Lizaso eta Joxe Agirre kaldereroen kofradiako ohorezko kide

Uztarria.com | 2002-02-01 : 13:02 | Besterik

Atzo iluntzean egin zuten Ardozaleak Elkartekoek eta Juan de Antxieta Musika Eskolakoek kaldereroetarako entseiu nagusia. Aste osoan zehar jardun dira entseiuetan, beraz dena prest dago datorren larunbaterako. Kaldereroen kantu eta zartagi hotsarekin abiatuko dira aurtengo inauteriak. Ardozaleak elkartean egingo dute afaria urtero bezala eta omenaldia ere egingo diete bi herritarrei eta Hungariako Kaldereroen Kofradiako ohorezko kide egingo dituzte, aurtengoan bi bertsolari izango dira: Joxe Lizaso eta Joxe Agirre Oanda hain zuzen.

 

Uztarria herri aldizkariaren ale berri bat banatu da

Uztarria.com | 2002-01-31 : 18:01 | Herria

Azpeitiko Uztarria Kultur Koordinadorak, otsaileko herri aldizkariaren alea banatuko du aste honetan bertan. Jadanik, alea oso-osorik irakurri dezakezu webgune honetan, eta nahi izatera, aldizkaria jasotzeko harpidedun edota bazkide ere egin zintezke.

Kaxiano San Jose egunez omenduko dute Loiolan

Uztarria.com | 2002-01-31 : 16:01 | Besterik

Herenegun zendu zen Kaxiano, Lizartzako soinujolea, Loiola auzoko Sanjosetan omenduko dute Euskal Irrati Telebistak antolatzen duen trikiti jaialdian, martxoaren 19an.

Miren Odriozola zinegotzia buru duen Udalbiltzako ordezkaritzak arazoak Porto Allegren

Azpeitiko Batasuneko Udal Taldea | 2002-01-31 : 16:01 | Besterik

Porto Alegreko (Brasil) Gizarte Foroan parte hartzera joandako Udalbiltzako ordezkaritzak bere partaidetza eragozteko ahaleginak salatu ditu, Miren Odriozola Azpeitiko zinegotziaren ahotik.

Urrestillako alde zaharra hiritartzeko proiektua onartu da

Uztarria.com | 2002-01-31 : 13:01 | Herria

Hiri antolamendu arauetako A.I.U 76 “Urrestilla Hirigunea” hiritartze proiektuaren haserako onespena eman da, eta ondorioz jendaurrean jarri da 15 egunetako epean erreklamazioak eta alegazioak aurkezteko.

Uztarria.com Topagunearen jardunaldietan aipagai izan da

Uztarria.com | 2002-01-30 : 12:01 | Uztarriaeus

Urtarrilaren 19, Internet eta teknologi berriak herri erakundeentzako baliabide gisa izenburuarekin eskainitako hitzaldian Uztarria.com Azpeitiko herri-ataria adibide gisa aipatu zuen Code & Sintax enpresako Luistxo Fernandezek. Hitzaldiak teknologi berriei nola atera etekina azaltzea zuen helburu, eta Topaguneak antolatutako Euskara Elkarteen Kudeaketari Buruzko Jardunaldietan aztergai izan zen.

Jostaldi Kirolak-Plaza Berri Sport, areto futboleko derbia jokatuko da larunbatean

Azpeitiko Areto Futbol Taldea | 2002-01-29 : 19:01 | Kirolak

Jostaldi-Kirolakek, herriko areto futbol taldeak, denboraldiko lehenengo derbia jokatuko du larunbatean etxean. Aurrean Azkoitiko Plaza Berri Sport taldea izango dute azpeitiarrek. Partida arratsaldeko 16.30tan hasiko da Udal Polikiroldegian.

Antxieta Etxea itxita dago berrikuntza lanengatik

Uztarria.com | 2002-01-28 : 15:01 | Besterik

Antxieta Etxean berrikuntza lanak egiten hasi dira, bai teilatuan eta baita barrukaldean ere. Hau dela eta, martxoa arte bertan ez da egingo erakusketarik.

 

Azpeitiko eta Azkoitiko "Tradizio eta Festak" biltzen dituen liburuska FITUR-en

Iraurgi Lantzen | 2002-01-28 : 15:01 | Besterik

FITUR 2002an, Nazioarteko Turismo Ferian, Azpeitiko eta Azkoitiko “Tradizio eta Festak” liburuska turistikoa aurkeztuko da. Bi herrietako turismo aukera promozionatzea helburu duen liburuska Iraurgi Lantzenek, Urola Erdiaren Bultzatze eta Garapenerako Elkarteak, egin du, eta Urola Erdiko turismo aukeren osagarri izan nahi du. Izarraitz mendian informazio panelak era jarri dira Azpeitian turismoa sustatzeko asmoarekin.

 

»» Erantzunak: 1 (Uztarria.eus)

Emaitzak: 23632 | Orriak: 1 2 3 4 ... 1175 1176 1177 1178 1179 1180 1181 1182