Aktualitatea

Datorren asteburuan hasiko da Azpeitiko I. Kulturaldia

Uztarria Kultur Koordinadora | 2002-02-16 : 14:02 | Kultura

Datorren asteburuan, otsailaren 23an, hasiko da Uztarria Kultur Koordinadorako taldeek antolatu duten Kulturaldia. Kultura arloan hainbat ekimen egiteko asmoa dute taldeek 2002. urteari begira.
Larunbatean aurkeztu zen Kulturaldia jendaurrean.

 

Bastidak mozorroa kendu du

Batasuna | 2002-02-16 : 03:02 | Iritzia

Batasunak Jose Mari Bastidaren manipulazio eta joko zikinaren aurrean jarrera zehazteko Herri batzarra deitu du.

Eskolako Kirolerako Udala eta ikastetxeen artean elkarlanerako hitzarmena sinatu dute

Uztarria.com | 2002-02-15 : 18:02 | Kirolak

Asteazkenean, otsailaren 13an, Eskolako Kirolerako Arreta eta Kudeaketarako elkarlanerako hitzarmena sinatu zen. E1 Programa bezala ezagutzen den ekimen honek kirolaren inguruan lan egiten duten agenteen kalitatea hobetu, eta kirola hezkuntzan indartzeko asmoa du. Hitzarmena Udalak eta herriko hezkuntza zentroek sinatu zuten, eta Gipuzkoako Foru Aldundiaren laguntza du.

Izarraizpeko harriketarrak, banaka, eta Batukadak, taldeka, jaso zituzten lehen sariak

Azpeitiko Udala Jaiak | 2002-02-15 : 15:02 | Besterik

Bukatu dira inauteriak, eta hurrengo urteko mozorroa pentsatzeko badugu nahiko denbora. Baina saria eskuratu nahi dutenek aurtengo mozorro sarituak gogoan izan eta imaginazioa landu beharrean dira. Astelehen gauean hainbat azpeitiar ibili zen mozorroa jantzita kaleetan, baina Izarraizpeko harriketarra, banakakoan, eta Brasilgo Batukada, taldekakoan, izan ziren epaimahaiaren onespena jaso zutenak. Juanito Bikendi herritarrak ere jaso zuen sari berezi bat, 80 urterekin inauterietan parte hartzeagatik.

Euskara lanbide dutenentzat eta euskara landu nahi dutenentzat lan-tresna berria UEMAren eskutik

Esteban J, Agirre | 2002-02-14 : 19:02 | Besterik

UEMAk (Udalerri Euskaldunen Mankomunitatea) bere web orria berritu du, eta hantxe dira euskararen inguruko baliabideak UEMAkideen zein euskara lantzen dutenen eskura.

Gorka Azkune azpeitiarraren '... eta halako batean sokak agertu ziren' lana zientzia.net-en on-line da

Uztarria.com | 2002-02-14 : 18:02 | Besterik

Gorka Azkunek "Super Soken" inguruan egindako lanak CAF-Elhuyar Zientzia Dibulgaziorako VIII. Sariketan bigarren saria jaso zuen. Orain lan hori irakurri al da Zientzia.net webgunean. Jarraian duzue lan horren zati bat.

Arkaitz Nogales azpeitiarra kroseko junior mailako Euskadiko txapelduna da

Uztarria.com | 2002-02-14 : 12:02 | Kirolak

Pasa den asteburuan Ortuella, Bizkaian, ospatutako Euskadiko Kros Txapelketan junior mailako onena Arkaitz Nogales azpeitiarra izan zen. Arkaitz Nogales, Real Sociedad taldean aritzen da, eta hau du lehen urtea junior mailan. Maila honetan jada bi txapel lortuak ditu, lehendik Gipuzkoako txapela ere lortu baitzuen Oñatiko lasterketan.

'Gipuzkoa zein berdea' liburuxka eta logotipoa aurkeztu dira

Uztarria.com | 2002-02-14 : 11:02 | Besterik

Gaur, Gipuzkoako Foru Aldundian Iraurgi Lantzen Garapen Agentziako (Urola Erdia), Debagoienako Udal Elkarteko, Tolosaldea Tour (Tolosaldea), Lenbur Fundazioa (Urola Garaia) eta Goitur-eko (Goierri) presidenteek Eusko Jaurlaritzako Turismo Sailburuordea den Koro Garmendia eta Gipuzkoako Foru Aldundiko Ekonomia eta Turismo saileko diputatua den Jose Ramon Belokirekin batera, "Gipuzkoa zein berdea"-ko Natura eta Landa guneak liburuxka eta logotipo berria aurkeztu dituzte.

Igandeko gertakariek islada nabarmena izan dute komunikabideetan

Uztarria.com | 2002-02-13 : 20:02 | Herria

Igandean herrian izandako gertakariek zeresan handia eman dute komunikabide ezberdinetan. Gure herria guztien ahotan ibili da egun hauetan Azpeitiak Gazteok Zer?! eta Jose Mari Bastida alkatearen artean izandako liskarra dela eta. Azkoitiko Ertzainetan parte eman dute Iker Salegik, buruan zazpi puntu behar izan dituen gazteak, eta Eneko Ibargurenek, alkateak ezpainean egin omen dion zauria dela-eta. Bestalde, Alkateak berak ere oraindik parte eman ez badu ere horretarako intentzioa adierazi du irain eta erasoak jasan omen dituela-eta.

 

Eztabaida publikorako dei bat luzatu du Azpeitian Gazteok Zer?! taldeak

Uztarria.com | 2002-02-13 : 19:02 | Herria

Gaur eguerdian Azpeitian Gazteok Zer?! taldeak Txikiteo Eleganteko gertakaria dela eta prentsaurrekoa eskaini dute Aitonena Ieko aretoan. Bertan, "mamuak Gazte Lokalaren aldarrikapena era baketsuan egiten duten mozorroak" direla jakinarazi dute, eta Gazte Lokalaren inguruan udalean duela bi urte aurkeztu zutela txostena, eta oraindik erantzunik ez dutela jaso azaldu dute. Bestalde, PNV, IU, EA eta Eusko Jaurlaritzatik "entzundako barrabaskerien" aurrean beren haserrea ere adierazi dute, eta "Gentuza taliban", "la lacra de Azpeitia", eta horrelako espresioak erabili dituzten "ahoberoei" eta alkateari dei bat ere luzatu die eztabaida publikorako bai igandeko gertaeren inguruan hitz egiteko, bai Azpeitiko gazteen inguruan hitz egiteko.

 

Gazteen lokalak behin betiko adostea eskatu du Batasunak

Uztarria.com | 2002-02-13 : 18:02 | Herria

Gaur Bozeramaileen Batzordean ez da adostasunik izan, eta Azpeitiko Batasunako udal taldeak, idatzi bat kaleratu du igandeko gertaeraren inguruan. Bertan, "Gazte Lokalen auzia aspalditik datorren gaia" dela jakinera ematen dute, eta joan den otsaileko gertaerak "testuinguru horretan" ikusi behar direla ere azaltzen dute, eta "komunikabideetan alkateak egin duen gertaeren erabilera interesatua, nahita nahastuz gazteen eskaera, eta ezker abertzalearen kontrako salaketak" gaitzetsi dituzte. Bide batez, idatzi honetan alkateari eta udal gobernuari "konponbidea heltzeko garaia" dela-eta gazteekin biltzea eta elkarrizketaren bitartez egoera bideratzeko eskaria egiten diete.

Azken hilabeteotan alkate eta EAJ-Eako zinegotziek irainak eta erasoak jasan dituztela azaldu dute

Uztarria.com | 2002-02-13 : 18:02 | Herria

Gaur eguardian pasa den igandeko gertakaria dela eta, Jose Mari Bastida alkateak eskatuta Bozeramaileen Batzordea bildu da. Bertan, hiru alderdietako ordezkariak - EAJ-tik Iñaki Etxezarreta, EA-tik Jose Mari Beobide, eta Batasunetik Miren Odriozola - eta alkatea bera izan dira. EAJ eta EA-ko ordezkarien adostasunez idatzi bat atera dute. Batasunak bestalde bere aldetik beste bat atera du.

 

Aurrera eztabaidan!

Goio Izoztua | 2002-02-13 : 17:02 | Iritzia

Poztekoa da zinez, horrelako eztabaidek pizten duten parte hartze maila. Baina, drogen gaia beti ibili izan da gazteon artean hitzetik hortzera. Hori ez da berria.

Emakume Eguneko III. Kartel Lehiaketa

Urola Kostako Emakume Taldea | 2002-02-08 : 18:02 | Taldeak

Martxoaren 8an, Emakumearen Eguna dela eta, III. Kartel lehiaketa antolatu du Urola Kostako Emakume taldeak. Aurkeztutako kartelek lema bana eramango dute. Lehiaketako irabazleak 150€ saria jasoko du, eta bere lana, lehiaketa aurkeztutako beste kartel guztiekin batera erakusgai izango da. Lehiaketara lanak aurkezteko epea otsailaren 21ean amaituko da.

 

Azpeitia-Azkoitian turismoa indartu nahi da

Uztarria.com | 2002-02-08 : 12:02 | Ekonomia

Atzo, Iraurgi Lantzenek Ohiturak eta festak liburuxka aurkeztu zuen. Aurkezpenean Azpeitiko Udaleko Turismo eta Merkataritza batzordeburua den Jabier Iraeta, Azkoitiko Udaleko Asier Aranbarri eta Jesus Agirre zuzendaria izan ziren. Bestalde, gonbidatuen artean Azpeitiko eta Azkoitiko ostalari, bidai agentzia eta abarretako ordezkariak izan ziren.

 

Azpeitiko Udal Euskaltegian matrikulazio epea ireki da

Azpeitiko Udal Euskaltegia | 2002-02-07 : 15:02 | Besterik

Azpeitiko Udal Euskaltegian matrikula irekita dago otsailean hasiko diren ikastaroetarako. Euskalduntze (euskara ikasi nahi duten erdaldunentzat), Alfabetatze (euskara aberastu nahi duten euskaldunentzat) eta EGA titulua lortzeko ikastaroak eskaintzen dituzte.

Iraurgi-Jostaldik igoera faseko lidertza sendotu zuen joan den asteburuan

Iraurgi-Jostaldi Saskibaloi Taldea | 2002-02-07 : 12:02 | Kirolak

Iraurgi-Jostaldik igoera faseko lidertza sendotu zuen joan den asteburuan, Bilboko Aguilas-Salderen etxean 76-82 irabaziz. Azken partidetan bezala asko sufrituta gailendu ziren azpeitiarrak. Partida haseran itxaropenik falta ez zen arren, lesioek taldea hanka motz utzia zuten berriro ere eta azken aldian bezalatsu zortzi jokalari besterik ez zituen bere aginduetara Joxe Miguel Etxanizek.

Lagun Onak M.B.-ak Candanchurako irteera antolatu du

Lagun Onak M.B. | 2002-02-07 : 11:02 | Taldeak

Lagun Onak Mendi Bazkuneko lagunek Candanchurako irteera antolatu dute otsailaren 23a eta 24rako. Asteburu osoko irteera honetan, eskiatzeko aukera izango dute mendizaleek, fondoko eskia zein eski alpinoa eginez, eta baita Vertice de Anayet tontorrera mendi ibilaldia egiteko ere. Otsailaren 21a da irteeran parte hartzeko izena emateko azken eguna.

Uztarria.com-en inkesta eta eztabaida berriak

Uztarria.com | 2002-02-06 : 18:02 | Uztarriaeus

Otsaileko lehen hamabostaldirako eztabaida eta inkesta berriak proposatzen ditu Uztarria.com-ek. Planteatutako gaien inguruan parte hartzera gonbidatzen ditugu webgune hau bisitatzen duten herritar guztiak.

Jostaldik erraz asko hartu zuen mendean Plaza Berri areto futboleko derbian

Azpeitiko Areto Futbol Taldea | 2002-02-06 : 18:02 | Kirolak

Jostaldi-Kirolakek uste baino errazago hartu zuen mendean Azkoitiko Plaza Berri Sport taldea joan den larunbatean Azpeitian jokatutako areto furboleko derbian. Azpeitiarrak 9 eta 2 gailendu ziren eta dagoeneko sailkapeneko laugarren postuan dira. Ostiral honetan gainera partida berri bat jokatuko du etxean. Norgehiagoka 21.15etan izango da. Aurkaria Oñatiko Aloña Mendi taldea.

Emaitzak: 22992 | Orriak: 1 2 3 4 ... 1142 1143 1144 1145 1146 1147 1148 1149 1150