Artxiboa: 2003 2

Martxoko Uztarria herri aldizkaria kalean da

Uztarria.eus | 2003-02-28 : 12:02 | Taldeak

Uztarria Azpeitiko herri aldizkariaren zenbaki berri bat banatu da herriko harpidedun eta bazkideen buzoietara. Banatu den zenbakia martxokoa da, izan ere inauteriak direla eta aurreratu egin dugu aldizkaria eta ohi bezala hileko lehen ostiralean atera beharrean gaurko banatuta izango da. Eta beti bezala barruan darama Baiteren aldizkaria. Jadanik, bi aleak irakurri ditzakezu webgune honetan, eta nahi izatera, aldizkariak jasotzeko harpidedun edota bazkide ere egin zintezke.

Azpeitian ezkertiar eta abertzaleen plataforma osatu da

herri plataforma | 2003-02-27 : 17:02 | Besterik

Hainbat herritarrek osatutako herri plataforma martxan jarriko da larunbatean egingo duten aurkezpenarekin

»» Erantzunak: 26 (Uztarria.eus...)

Aralar ez da aurkeztuko maiatzeko hauteskundeetan Azpeitiko udalerako

Uztarria.eus | 2003-02-27 : 11:02 | Herria

Aralar alderdiak, pasa den asteartean, otsailaren 25ean, egitasmoa aurkeztu zuen Azpeitian. Hiru aralarkide izan ziren aurkezpenean: Iñaki Regil Matxote azpeitiarra, Julen Madariaga eta Juan Martin Elexpuru. Aurkezpenean, Aralar maiatzeko hauteskundetan Azpeitiko udalerako ez dela aurkezteko azaldu zuten.

 

»» Erantzunak: 1 (Uztarria.eus)

300 lagun inguru bildu zen plazan Egunkariaren alde

Uztarria.eus | 2003-02-27 : 11:02 | Euskara

'Egunkaria aurrera. Bai euskarari!" lelopean 300 lagun inguru bildu zen atzo (otsailak 26) plazan, udaletxe aurrean Kontseiluak deituta.

 

»» Erantzunak: 6 (Uztarria.eus...)

Euzko Gaztedi

Euzko Gzatedi (EGI) | 2003-02-26 : 17:02 | Iritzia

Euzko Gaztedin badakigu hamaika ikusteko jaioak garela guztiok, baina Euskal Herriarekiko gertatzen ari diren erasoak sinestezinak suertatzen zaizkigu.

»» Erantzunak: 52 (Uztarria.eus...)

Bost kartzelara eta lau kalera

Uztarria.eus | 2003-02-25 : 16:02 | Euskara

Horixe da Juan del Olmo epaileak hartutako erabakia. Bost kartzelaratuak Xabier Alegria, Xabier Oleaga, Joan Mari Torrealdai, Txema Auzmendi eta Iñaki Uria dira. Eta Martxelo Otamendi, Inma Gomila, Luis Goia eta Fermin Lazkano fidantzapean aske geratuko dira. Bestalde, Pello Zubiriak ospitalean jarraitzen du.

»» Erantzunak: 5 (Uztarria.eus)

Azpeitiko Iraurgi Ikastetxeko Enpresa Batzordea

Azpeitiko Iraurgi Ikastetxeko Enpresa Batzordea | 2003-02-25 : 15:02 | Iritzia

Iraurgi Ikastetxeko langileen ordezkariok une zail hauetan gure elkartasuna adierazi nahi diegu Euskaldunon Egunkariako langileei, ordezkariei eta irakurle guztiei, hamabi urtez euskaldunon egunkaria izan dena ixteko neurri bidegabearen aurrean.

»» Erantzunak: 3 (Uztarria.eus)

Larunbatean Kaldereroen Kofradiak Ohorezko kofradeak izendatu zituen

Uztarria.com | 2003-02-25 : 11:02 | Herria

Larunbat gauean, Ardozaleak elkartean, kalejiraren aurretik, urtero lez afaria egin zuten Hungariako Kaldereroen Kofradiako kideek. Ohitura jarraituz, aurten ere Ohorezko kofrade izendatu zituzten herriko bi pertsona ezagun: Iñaki Bergara "Pio" eta Inazito Odria "Txermena". Urtero herriko lagun eta talde ezagunak omentzen ditu Kaldereroen Kofradiak.

 

»» Erantzunak: 1 (Uztarria.eus)

Bihar Kontseiluak deitutako manifestaziorako deia

Uroka Kostako ELA | 2003-02-21 : 14:02 | Iritzia

Auzitegi Nazionalaren aginduetara, Guardia Zibilak komunikazio esparruko hamar pertsona ezagun atxilotu ditu, Euskaldunon Egunkariaren egoitza nagusia eta hegoaldeko ordezkaritzak itxi, Plazaguneak kudeatutako zerbitzaria hondatu, eta hainbat etxetan eta Ikastolen Federazioak Donostian duen bulegoan, baita Argia eta Jakin aldizkarien egoitzan ere, miaketak egin eta material informatikoa bereganatu ditu. Hau guztia dela eta, ELA-k honakoa adierazi nahi du:

»» Erantzunak: 9 (Uztarria.eus...)

Azpeitiko eta Azkoitiko euskalgintzak biharko manifestaziora joateko autobusak antolatu ditu

Baite Euskara Elkartea | 2003-02-21 : 11:02 | Euskara

Bihar Donostian egingo den manifestaziorako autobusak antolatu ditu Azpeitiko eta Azkoitiko euskalgintzak. Azpeitian autobusak Plazatik irtengo dira arratsaldeko 16:00etan, eta Azkoitian ordu laurdena lehenago Eroski txiki aurreko geltokitik. Autobuserako izena emateko webgune hauxe erabili dezakezu. Albiste honi erantzun eta zeure izena eman besterik ez duzu egin behar.

 

»» Erantzunak: 12 (Uztarria.eus...)

Herri batzarrerako deialdia egin du Azpeitiko eta Azkoitiko Euskalgintzak gaur 19:30etarako

Azpeitiko eta Azkoitiko Euskalgintza | 2003-02-20 : 13:02 | Euskara

Euskaldunon Egunkaria itxi eta 10 lagun atxilotu dituztela eta, Azpeitiko eta Azkoitiko Euskalgintzak arratsaldeko 19:30etarako herri batzarrerako deialdia egin du. Batzarra Enparantza Nagusian izango da bai Azkoitian eta bai Azpeitian.

»» Erantzunak: 9 (Uztarria.eus...)

Euskal Prentsari buruz aritu zen atzo Martxelo Otamendi Azpeitian

Baite Euskara Elkartea | 2003-02-20 : 11:02 | Euskara

Baite Euskara Elkarteak antolaturiko hitzaldian “Begiratu bat euskarazko prentsari” jende ugari bildu zen, 30 lagun, Aitonenako egoitza adin guztietako jendez ia beterik.

Iban Arregi Euskaldunon Egunkariako kazetari azpeitiarrak eman zion sarrera Martxelori bere euskalgintzako ibilbidearen zertzelada batzuk emanez.

»» Erantzunak: 8 (Uztarria.eus...)

Euskaldun Egunkarian Guardia Zibila sartu da eta hainbat lagun atxilotu ditu

Uztarria.eus | 2003-02-20 : 09:02 | Euskara

Gaur goizaldean Guardia Zibilak Euskaldunon Egunkariaren egoitza nagusiak eta hego Euskal Herriko hiriburuetako egoitzak hartu ditu. Bederatzi lagun atxilotu ditu, tartean, Martxelo Otamendi Egunkariako zuzendaria. Atzo, Martxelo Otamendi Azpeitian izan zen Baite Euskara Elkarteak antolatutako hitzaldia ematen, euskal prentsaren inguruan jardun zen Martxelo.

 

»» Erantzunak: 22 (Uztarria.eus...)

468 lagunek bukatu zuten Goenako proba

Uztarria.eus | 2003-02-19 : 15:02 | Kirolak

Otsailaren 9an ospatu zen Ikasberri Kirol Elkartearen V. Krossa eta Euskadiko XXXIX. Kross Txapelketa. Txapelketa Goenan egin zen. Helduen mailan, Juan Mari Garin eta Izaskun Zubeldia izan ziren garaileak; Senior mailan, Ivan Sanchez Diez eta Amaia Piedra Montero; Jubeniletan, Najib Errouane Fatima eta Aratz Rodriguez Bilbao eta Junior mailan, Pablo Mas Molina eta Maitane Jauregi Irizar. Baina atleta hauez gain hainbat lasterkarik igaro zuten helmuga. Hain zuzen ere 468 lagunek bukatu zuten proba. Parte hartzaile guztien sailkapena oso-osorik jarraian duzu:

Pilar Aizpitarte eta Enrike Zurutuza, Baiteko Ohorezko Bazkide dira jada

Baite Euskara Elkartea | 2003-02-17 : 13:02 | Euskara

Baite Euskara Elkarteak beste bi Ohorezko Bazkide ditu lehengo larunbatetik: Pilar Aizpitarte eta Enrike Zurutuza. Larunbatean izan zen ekitaldia, Sindikatu Zaharrean. Jende ugari bildu zen bertan.

 

Mindegiak eta Larretxeak lortu zuten Binakako Urrezko Aizkora

Uztarria.eus | 2003-02-17 : 12:02 | Kirolak

Mindegiak eta Larretxeak irabazi zuten Binakako Urrezko Aizkora. Atzo Azpeitiko kiroldegian jokatutako norgehiagokan, bikote irabazleak azken proban bi segundutako aldea atera zion Peñagarikanok eta Arrospidek osatutako bikoteari. Nazabal eta Olasagasti hirugarren izan ziren.

»» Erantzunak: 4 (Uztarria.eus)

Arazo tekniko bat medio, zenbait iritzi galdu egin dira

Uztarria.eus | 2003-02-14 : 15:02 | Uztarriaeus

Gaur goizean, arazoak egon dira uztarria.com-eko zerbitzarian. Hori dela-eta, goizean egindako aldaketak galdu egin dira. Barkatu eragozpenak.

»» Erantzunak: 1 (Uztarria.eus)

Sokamuturra eta inauteriak 'XXIV. Juan Antxieta' argazki lehiaketan

Uztarria.eus | 2003-02-12 : 16:02 | Kultura

XXIV. Kutxa Juan Antxieta Argazki Lehiaketako oinarriak dagoeneko ezagutzera eman ditu Gipuzkoako Donostia Kutxak. Lehiaketak ohi bezala inauteri jaietako sokamuturra izango du gaia, eta inauteri giroa egokien jasotzen duen argazkia ere sarituko da.

Azpeitiko Uri Buru Batzarrak jada hartu du erabakia, Julian Eizmendi da hautagaia

Uztarria.eus | 2003-02-12 : 16:02 | Herria

Maiatzean egingo diren udal hauteskundeei begira, atzo egin zuen Azpeitiko Uri Buru Batzarrak EAJren alkategaia aukeratzeko batzarra. Eta Uztarriak aurreratu bezala, Julian Eizmendi izan da aukeratua.

 

»» Erantzunak: 40 (Uztarria.eus...)

Santo Tomas 2002 lehiaketako sariak banatu dira

Uztarria.eus | 2003-02-11 : 11:02 | Taldeak

Santo Tomas 2002 argazki lehiaketako sariak banatu ziren atzo Atxieta Etxean eta aurkeztutako argazki bildumekin osatutako erakusketa ere zabaldu zen. Koloretan eta zuri beltzean hiru argazkik osatutako hiruna bilduma saritu ziren. Koloretan Iñaki Etxenagusiaren, Joxe Ramon Larrañagaren eta Oihana Lopezen lanak saritu ziren eta zuri beltzean Josu Altzelairenak, Juan Mari Ibarzabalenak eta Iñaki Etxenagusiarenak. Helduen sariez gain, Irantzu Larrañaga Epeldek gaztetxoen saria jaso zuen.

 

Emaitzak: 32 | Orriak: 1 2