Zerbitzua ezagutarazteko, opariak

Azpeitian, Kilometroen egunean, barazkiz eta beste hainbat jakiz osatutako hiru otar zozkatu zituzten hilaren 2an. Ibilbidean postua jarri zuten www.urolakostaonline.com eta Baserritik.com proiektuen azalpen zabala egiteko, eta bertan izen-abizenak eta telefonoa utzi zituzten guztien artean egin dute zozketa. Atzo, 13:00etan banatu zizkieten sariak irabazleei: Alizia Osa Otxandorena (Zarautz), Idoia Etxegarai Martinez (Donostia) eta Jose Miguel Aizpurua Goenaga (Zumaia) izan dira saridunak. Azpeitiko Sindikatu Zaharrean egin zuten 500 euroko balioa duten hiru otarren sari-banaketa. Irudian, ezkerretik hasita, Baserritik.com-eko arduradun Xabier Artola, Jose Miguel Aizpurua irabazleetako bat, eta Urkomeko kudeatzaile Yurre Peñagarikano.