Larra Bideak eta Lizar taldeek kontzertu bana eskainiko dute gaur, ostirala, Sanagustin kulturgunean. #Arkupehotsak egitasmoaren barruan eskainiko dituzte emanaldiak, eta pop doinuak izango dira nagusi kulturgunean 19:30etik aurrera. Kontzertuak doakoak izango dira.
Iñaki Larraioz musikari nafarraren bakarkako proiektua da Larra Bideak. Berako Atala estudioan zazpi kantuz osatutako diskoa kaleratu zuen martxoaren erdian. Lizar taldea, berriz, Azkoitikoa da. Hain zuzen ere, Ruben eta Ane Lizarralde aita-alabak dira taldeko kideak.