Gabon giroko abestiek hartu dute Sanagustin, Udal Musika Bandaren Eguberrietako kontzertuan

Gabon eguna da gaur, abenduak 25. Hori dela eta, ohiturari jarraituz Eguberrietako kontzertua eskaini du Udal Musika Bandak Sanagustin kulturgunean. Emanaldia 13:00etan hasi da, eta ordutako jende ugari bertaratu da kulturgunera. Bandako musikariek bederatzi abesti jo dituzte kontzertuak iraun duen denboran, denak Gabon girokoak: A Canadian Brass Christmas (Moldaketa: Howard Cable), Mesias (Bartolome de Ercilla; moldaketa: J. M. Altuna), El buen rabadan (Herrikoia Katalunian; moldaketa: M. Navarro Mollor), Gaur da nere kristauak (Moldaketa: J. M. Altuna), Joxepe ta maria/ Birjina maite (Moldaketa: Angel Briz), Hator, Hator (Moldaketa: J. M. Altuna), Christmas swing (Moldaketa: Dizzy Stratford), A Calipso Christmas (Moldaketa: Calvin Custer) eta A Christmas Carol Fantasy (Moldaketa: Takashi Hoshide). Beste urte batez, musikaz jantzi du Eguberri eguna Udal Musika Bandak.