Azpeitiko Udalak zabaldu du kirol elkarteek diru laguntzak eskatzeko epea, taldeek hurrengo urtean jarduerak gauzatu ditzaten. Denboraldian oinarritutako kirol-modalitateei zuzendu diete zabaldu berri duten deialdia, eta horiek 2017-2018 denboraldian oinarritutako dokumentazioa aurkeztu beharko dute urriaren 31ra bitartean.
Kirol taldeek Udal harrera erregistroan edo posta elektronikoz egin behar dituzte eskaerak. Diru-laguntzak eskatzeko inprimakia behar duten klubek, berriz, kirol sailean eska dezakete, kirolak@azpeitia.eus helbidera idatzita edo 943-15 00 95 telefonora deituta.
Bestetik, Udalak jakinarazi du urte naturalari dagozkien kirol-modalitateek 2019ko urtarrilaren 1etik 31ra bitartean aurkeztu ahal izango dituzte eskaerak, eta horiek aurtengo ekitaldian oinarritutako dokumentazioa aurkeztu beharko dute.