Damaso auzoko bizilagunek egun osoko egitaraua antolatu dute zapaturako, ekainaren 30erako. Egun horretan ospatuko dituzte Damasoko festak bertan bizi diren lagunek. Txupinazoarekin eta Damaxen jaitsierarekin hasiko da festa, 11:00etan. Ondoren, 11:45ean, haurrentzako mahai lanak izango dira. Aurten, ez dute helduen lasterketarik antolatu, baina bai gaztetxoena. Beraz, auzoko txikiei zuzendutako lasterketa izango da 11:45ean hasita. Damasotarrak txarangarn eskutik festa giroak hartuko du Damaso eguerdi aldean. Atsedena hartu ostean, arratsaldean segiko dute egitarauarekin.
16:00etan jolasak eta merienda izango dira auzoko plazan, eta ondoren, 17:00etan, Iagomago artista gazteak –Damasoko bizilaguna–, magia ikuskizuna eskainiko du. Auzotik irten, eta Alde Zaharrera ere hurbilduko dira. 19:00etan txaranga-poteoa egingo dute damasotarrek. Poteoa bukatutakoan, 20:30ak aldera, Damasoko plazan afaria egingo dute. Umeen txanda izango da aurrena, eta helduena ondoren, 21:30ean. Afalostean ere ez da festarik faltako, eta musikaz girotuko dute gaua.
Hemen, egitaraua osorik:
11:00etan txupinazoa eta Damaxen jaitsiera.
11:45ean umeentzako mahai lanak.
11:45ean Txikien XIII. Lasterketa.
12:15ean hamaiketakoa.
12:30ean txaranga-poteoa.
16:00etan merienda.
17:00etan Iagomagoren ikuskizuna.
18:00etan buruhandiak.
19:00etan txaranga-poteoa.
20:30ean umeen afaria.
21:30ean helduen afaria.
23:00etan musika.