Atzo, ostirala, hasi ziren San Juan festak ospatzen Urrestillan, eta, Iruñeko talde bortxaketaren gaineko auziaren epaia dela eta, ez zen falta izan aldarrikapenik ospakizunen artean. Hain zuzen ere, festa batzordeko kideek deituta, La manadako kideak behin-behinean aske utzi izana salatu zuten hainbat lagunek. Urrestillako plazan egin zuten elkarretaratzea, 19:00etan, kaleak eta gauak gureak dira lelopean.