Horma irudiak, Txabi Etxebarrietaren oroimenez

Uztarria.eus | Politika | Argazkia
2018-06-07 09:54

Gaur, ekainak 7, 50 urte bete dira Guardia Zibilak Txabi Etxebarrieta ETAko kidea zena hil zuenetik, hark Jose Pardines guardia zibila tiroz hil ondoren. Gaur goizean –gertaera horien 50. urtemuga egunean– Etxebarrietaren oroimenez egindako hainbat horma irudi agertu dira Azpeitiko zenbait txokotan. Etxebarrietaren siluetaz gain, honako esaldi hau irakur daiteke horma irudietan: "Askatasuna ez da negoziatzen". Azken egunotan hainbat ekitaldi egin dituzte Euskal Herriko zenbait txokotan, Etxebarrietaren oroimenez. Honako hau Soreasuko pasabidearen parean agertu den irudia da:

Bidali:  

Erantzunak

Erabiltzailearen aurpegia AskatasunaEzDaNegoziatzen | 2018-06-07 : 11:39

Omenaldirik onena, garaipena!

“En el momento que se cumplen 15 años de los primeros brotes de ETA señalamos nuestra decidida voluntad de efectuar la revolución vasca. Nuestra lucha solo se detendra cuando hayamos destruido el capitalismo a escala mundial, lo cual quiere decir que Euskadi, norte y sur, será Socialista. De aquí que consideramos todo paso intermedio como una solución incompleta  y provisional.”

Txabi Etxebarrieta

Gaur duela 50 urte erail zuten Txabi Etxebarrieta iraultzaile Bilbotarra, hain ezaguna zaigun Tolosako Benta Haundiko bidegurutzean. Txabik 23 urte zituen bere heriotzaren egunean, eta ordurako ezaguna zen Euskal Herrian indartzen zebilen frankismoaren oposizioaren artean. Euskal askapen nazional eta sozialaren barne fundamentuak jarri zituen E.T.A. erakundearen V. biltzarreko dinamizatzaile nagusietakoa ere izan zen Txabi, irakurle sutsua eta militante konprometitua.

Frankismoaren atzaparretan hil zen Txabi tirokatua, 1968ko ekainaren 7an, Tolosan. Frankismoaren amaiera gertu ikusten zen garaiotan, mundu mailako mugimendu handiko urteak ere baziren Txabiri bizitzea egokitu zitzaizkionak. Ekialdean mundu komunistak indartsu jarraitzen zuen arren krisialdi garrantzitsuak izan zituen Sobietar Batasun ahalguztidunak Hungarian, Polonian eta 1968an, Txabiren heriotzaren urtean, Pragako udaberria bezala ezagutzen denean. Bestalde, mendebaldeko munduaren modernizazio frenetikoa auzian jarria zuen azken hamarkadetan existentzialismoaz mintzo zen belaunaldi oso batek, marxismoarekin elkarrizketa etengabean zena. Jean- Paul Sartre frantziarra zen existentzialismoaren zein marxismoaren batura saiakeraren errepresentazio nagusia, eta jakin badakigu, Txabi bere irakurle sutsua zela. 1968ko maiatzean langileriak zein arazo ekonomiko eta existentzialetan murgilduak ziren ikasleek indarrak batu zituzten Frantzia osoan eta bereziki Parisen, eta 1950. hamarkadatik aurrera kolonialismo ekonomiko- politikoaren aurrean altxamenduak burutu ziren Afrika, Asian zein Hegoamerikan. Iraultzarako aukera berpizten ari zen beraz, testuinguru berrietara egokitzen, eta Euskal Herria ere iraultza soziala hezurmamitzeko aldaketa honen lekuko izan zen.

Inperialismoaren aurkako borrokek, bereziki Txinan, Kuba edota Algeriako askapen nazional zein sozialerako mugimenduek eta hauen atzetik ezkutatzen zen hausnarketak erakarri zituen Euskal Herriko langileen gazte generazioetako hainbat kide konprometitu, langileriaren forma unibertsalaren eraikuntza- sozialismoa, Euskal Herriaren banaketa zein azpiratze kulturalarekin- lurraldetasunari, hiztun komunitateari … zegokiona- sinbiosian jarri nahi zutenak. Auzi kulturala- kultura bere dimentsio zabalean ulertuta- langileriaren botere estrukturen eraikuntzarekin lotzea lortu zuen V. biltzarrak, urteetako eztabaidari posizio finkatuak artikulatuz. Independentzia eta sozialismoa, edo euskal kultura, identitatea osatzen duten elementuen fusioa langileriaren askapenaren problematikarekin. Euskal Herri Langilea- EHL- posizio estrategiko modura, zapalkuntza nazionala langileen zapalkuntzarekin identifikatua.

Kontzeptu honen atzean eraiki den aktibitate politikoak 50. urtez Euskal Herriko langileen dimentsio kultural zein praktikoak ezarri ditu, baita estatu espainiar zein frantsesarekin eta oligarkia zein burgesia erregionalekin gatazkan ezaugarritu den aktibitate politikoarenak. Euskal Herriko langileen aldarrikapenak biltzen jakin dituen dimentsio praktikoa da Euskal Herri Langilearen gorputz politikoa, lorpenak- lorpen garaipena oraindik eskuratzeke badugu ere.
Abagune historiko batean gaude Txabiren heriotzaren 50. urteurrenean, zeinetan ezinbestekoa izango zaigun bizi baldintzen etengabeko pobretzea ezagutzen ari garen langileen generazio berriei iraultzaren gaineko hausnarketak egungo testuingurura egokitzen jakitea. Esperientzia sistematizatzea, zientziara jauzi egitea, azken hamarkadetako mugimendu politikoen balantzea egitea egokitzen zaigu, akatsak identifikatzen jakitea- bai printzipio orokorretan eta baita praktika konkretuetan ere- eta iraultzaren fundamentuak ezartzea.

Kultura politiko aberats baten herentzia jaso dugu, berau askatasun kritikoaz berrasmatzea dagokigularik militante belaunaldi berrioi, sozialismoaren gorputza biziberritzen asmatzea, hain zuzen ere.

Zapalkuntza kulturalaren gaindipenak bere dimentsio guztiak hartzen baititu kapitalismoaren heriotzarekin, Txabiri egin diezaiokegun omenaldirik estuena Euskal Herriko langileen gaitasunak pentsatu eta artikulatzea dela uste dugu, sozialismoa gaurdanik hegemoniko bihurtzea, iraultza eta langileriaren independentzia borrokatzea.

Agur eta ohore Txabi,

Erabiltzailearen aurpegia Elolagay | 2018-06-08 : 16:18

"Supongo que el guardia civil se dio cuenta de que la matrícula era falsa. Al menos, sospechó. Nos pidió la documentación y dio la vuelta al coche para comprobar. Txabi me dijo «Si lo descubre, lo mato»…Le contesté: «No hace falta, lo desarmamos y nos vamos»… Salimos del coche. El guardia civil nos daba la espalda. Estaba de cuclillas mirando el motor en la parte de atrás… Susurró: «Esto no coincide...». Txabi sacó la pistola y le disparó. Cayó boca arriba. Volvió a dispararle tres o cuatro tiros más en el pecho. Había tomado centraminas y quizá eso influyó. En cualquier caso fue un día aciago. Un error. Era un guardia civil anónimo, un pobre chaval. No había ninguna necesidad de que aquel hombre muriera».3

Iñaki Sarasketa

Txabi Etxebarrieta, ETAren lehengo pistoleroak Jose Pardines hil zuen duela 50 urte, gero beste 852 hilda gehiago etorriko ziren, hauen artean 23 adingabe. Motxilarik gabeko 23 ume.

Agur eta lotsa

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa