Ostegunean hasiko dira Elizkalean aurtengo Korputz jaiak ospatzen. Hiru egunerako egitaraua prestatu dute, azken urteetan oiko bihurtu diren hitzorduekin osatuta. Kalejirak, buruhandiak eta musika emanaldiak nagusi izango dira; eta zapatuan, festetako azken gauean, lagunarteko afaria ere izango dute, Baigera Ieko tabernan.
Hau da, osorik, Elizkaleko korputzen egitaraua:
Ekainak 7, osteguna
- 18:00. Jaien hasiera, Juan Antxieta musika eskolako musikarien kalejirarekin. Ondoren, buruhandiak.
- 19:00. Meza parrokiko kaperan, hildako kaletarren alde.
Ekainak 8, ostirala
- 18:00. Kalean gora, kalean behera, Juan Antxieta musika eskolako musikariak. Ondoren, buruhandiak.
- 19:00. Gitarra-poteoa, gitarra eta Kantu-Jira taldeetakoekin.
- 22:30. Erromeria, Eneko Arbeo soinujolearekin eta Jon Izagirre pandero-jotzailearekin.
Ekainak 9, zapatua
- 13:00. Trikitilarien kalejira.
- 19:30. Triki-poteoa.
- 20:30. Lagunarteko afaria, Baigera Ieko tabernan.
- 23:00. Orots talde.
- 00:00. Festetako zozketa, kalean bertan.