Aritz Soraluze eta Alejandro Franco irabazle, Sanjuandegiko Xake Txapelketa Herrikoian

Uztarria.eus | Kirolak | Argazki galeria
2018-06-05 09:35

Joan zen zapatuan, ekainak 2, Sanjuandegiko IV. Xake Txapelketa Herrikoia jokatu zuten Jose Antonio Agirre plazan. Auzoko festetako egitarauaren barruan antolatu zuten hitzordua Azpeitiko Xake Taldeak eta XJ Auzolaneanek. Bi mailatan banatuta jokatu zuten txapelketa: gaztetxoen maila eta senior maila. 14 urtez azpiko lagunek, orotara bost minutuko bederatzi partida jokatu zituzten. Neurketa guztiak jokatu ostean, Aritz Soraluze izan zen puntu gehien eskuratu zituena, eta, horrenbestez, hark eraman zuen oroigarri nagusia. Beñat Aristegik eta Jon Gonzalezek osatu zuten gaztetxoen podiuma. Senior mailan, aldiz, bost minutuko hamaika partida jokatu zituzten parte-hartzaileek, eta Alejandro Franco izan zen irabazlea. Aitor Priya sailkatu zen bigarren eta Patxi Isasmendi hirugarren.

Aurtengoa sariketa antolatzen duten laugarren urtea izan da, eta antolatzaileak gustura gelditu dira izan duen erantzunarekin. 

Ikusi argazki guztiak haundiago

 

Informazio gehiago

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa