Gipuzkoako Herriarteko I. Gomazko Paleta Txapelketako neurketak atzo jokatu zituzten Azpeitiko palistek. Andoainen aurka jokatu zituzten final laurdenetako itzulerako partidak, etxean. Azpeitiarrak 2 eta 1 nagusitu ziren joaneko partidetan, eta emaitza bera erdietsi zuten itzulerakoetan. Tanteoz, ordea, finalaurrekoetara sailkatu da Azpeitia.
Urtzi Lopetegik 20-6 irabazi zuen bakarkako partida; Eneko Martijak eta Oier Alkortak 20 eta 19 galdu zuten binakakoa; eta zazpi koadroren barruko partida 20-8 irabazi zuen Asier Egigurenek.