Azken urteetan egin bezala, Azpeitiko Kirol Patronatuak eta Sustraia Tenis Klubak tenis ikastaroak antolatu dituzte datorren udako. Lau astez eskainiko dituzte ikastaroak, eta astelehenetik ostiralera egingo dituzte saioak. Izen-ematea zabalik da jada, eta adin guztietako eta maila guztietako pertsonek eman dezakete izena.
Lau astez eskainiko dituzte ikastaroak: ekainaren 25etik uztailaren 1erako astean, uztailaren 2tik 8ra bitartekoan, uztailaren 9tik 15era artean eta uztailaren 16tik 22rako astean. Saio guztiak astelehenetik ostiralea izango dira. Ikastaroak goizez eskainiko dituzte, 09:00etan, 10:00etan, 11:00etan eta 12:00etan, hain zuzen.
Talde bakoitzean gutxienez sei ikasle izango dira eta gehienez hamar ikasle. Kirol Patronatuko abonatuek 20 euro ordaindu behar dute aste bakoitzeko, eta ez abonatuek 30 euro. Izen-ematea, 606 34 16 08 edo 685 76 18 63 telefonoetara deituta edo tenis.sustraia@hotmail.com helbidera idatzita egin daiteke.