Nabarralde Fundazioko kiden den Azpeitiko Napar Zuzterrak taldeak Kafe Naparra egitasmoaren barruan beste hitzordu bat antolatu du iganderako. Xabier Irujo historialari eta filologoak euskal diaspora izango du hizpide 11:00etan hasita.
Amerikako Estatu Batuetako mendebaldea euskal jatorriko milaka lagunen bizitokia da, eta han euskal kultura eta Amerikakoa nahasten dira. Napar Zuzterrakek jakinarazi duenez, "picon punch eta txorizoburger-aren etxea den eskualde horretara hurbilpen garaikidea egingo du Irujok solasaldian".