Trikigiro kultur elkarteak eskualdeko trikitilarien inguruko informazioa biltzen jarraitzen du, eta horretarako galdetegi berri bat jarri du martxan. Duela hilabete batzuk zabaldu zuten aurreneko galdera sortari erantzuteko epea, eta bigarren galdetegi hau aurrenekoaren osagarria da.
Bertan, eskualdeko soinu-jotzaileen eta pandero-jotzaileen inguruko informazioa jasotzeko hainbat galdera zerrendatu dituzte. Trikigiroko kideek dei egin diete Azpeitiko, Azkoitiko, Zestoako, Beizamako eta Errezilgo musikariei kultur elkarteak martxan jarritako galdetegia bete dezaten.