Txantiloia
Musikazale amorratua da Haritz Amezua, eta 15 urterako hasi zen gitarrarekin "zarata" ateratzen. Anplifikadorea erosi zuen Ingalaterran, eta harentzat bozgorailua berak egin zuen, fresatzailea erosita. "Hautsak hartzen zegoen [fresatzailea], eta instrumentuak egiteko oinarrizko lau erreminta erosi nituen, eta gitarrak egiten hasi nintzen", azaldu du. Goiko irudian, gitarraren diseinua aukeratu ondoren txantiloia egiten.
Gitarraren gorputza eta tapa kolarekin itsasten
Interneteko foroetan eta liburu espezializatuetan "orduak pasatuta" ikasi du Amezuak gitarrak egiten etxeko garajean. Haltza, sapelia, ebanoa, khaya eta Indiako santu egurra erabiltzen ditu instrumentuak egiteko, eta, oro har, Madrildik eta Valentziatik ekartzen du materiala. Hasieran, Oier Aleman lagunaren tailerrean aritzen zen lanean, baina enpresa hura itxi egin zen, eta orduan erosi zituen beharrezkoak dituen makineria eta tresna guztiak.
Txantiloiak markatzen
Gitarrak ez ezik, baxuak ere egin izan ditu azpeitiarrak. Horiek egiteko diseinuak marka ezagunen ereduetatik hartu izan ditu, baina "diseinu propioak sortzen" ere hasi da.
Zerraz mozten
Egurrak eskuilatu eta gitarraren eskala aukeratu ondoren, trasteak zerraz mozten ditu Amezuak.
Gitarraren giderra
Trasteak zerraz moztu eta gero, gitarraren giderra kolaz itsasten du azpeitiarrak, eta, ondoren, zehaztasun handiz giderrak akatsik duen aztertzen du.
Zuloak egiten
Zulatzeko makinarekin larako etxeentzako zuloak egiten ditu.
Doitzen
Txantiloiak eta gorputzak fresagailuz doitzen ditu.
'Hardware'-a muntatzen
Ofizioz trokelgintzan aritzen da azpeitiarra Zarauzko enpresa batean, baina denbora librean, garajean sartu eta orduak eskaintzen dizkio bere zaletasunari. Gitarra edo baxua hasi eta bukatu ekoizteko, lanbide desberdinak kontrolatzen ditu Amezuak. Goi mailako mekanizatu ikasketak egin zituen eta elektronika arloa ere kontrolatzen du. Goiko bi argazkietan, gitarraren hardware-a muntatzen ageri da.
Probatzen
Behin gitarra bukatuta, larakoak doitzen ditu. Goiko argazkian, Amezua eta bere hainbat artisau lan.