Gaztea Maketa Lehiaketaren finalera joateko doako autobusa antolatu du Silence musika taldeak, "jasotako babesa eskertzeko". Azpeiti-Azkoitiko taldeak joan zen martxoaren 23an lortu zuen finalerako txartela, herritarren bozei esker GazteBizHitza Saria jaso ostean. Julen Hidalgo azpeitiarra da Silenceko bateria-jotzailea, eta haren taldekideak dira Jose Mari Unanue, Djuniet Astigarraga, Jon Kustodio eta Andrea Pozo azkoitiarrak.
Maketa Lehiaketaren finala joateko autobusa 18:00etan irtengo da Azkoititik. Itzulerako autobusa, aldiz, 02:00etan irtengo da Bilbotik eta Azpeitian zein Azkoitian egingo du geldialdia.
Izen-ematea zabalik dago jada, eta interesa dutenek Azpeitiko Orkatz eta Zuhatz tabernetan eman dezakete izena. Azkoitian, berriz, Deanen, Latzen eta Zurten dago izen-ematea egiteko aukera.
Orotara bost musika talde izango dira Bilboko Kafe Antzokiko final handian: Silence, Pho-Bo, Hakima Flissi, Nerabe eta Aizkorak Zorroztu.
Silence musika taldearen inguruan Julen Hidalgori egindako elkarrizketa, hemen.