Autobusek ez dute geldialdirik egingo Sanjuandegi auzoan datorren astean

Uztarria.eus | Gizartea | Artikulua
2018-03-09 17:31

Udalak asfaltatze lanak egingo ditu, eta zubi berritik igerilekuetara itxita egongo da bidea. Horregatik, astelehenetik ostiralera, bi egunak barne, ez dira autobusak Sanjuandegin geldituko.

Sanjuandegiko autobus gelokia.  Ikusi haundiago | Argazki originala

Lurraldebusek jakinarazi duenez, datorren astean ez dute geldialdirik egingo autobusek Sanjuandegi auzoko geralekuan. Udalak asfaltatze lanak egingo ditu astelehenetik ostiralera –hilak 12tik 16ra–, bi egunak barne, eta zubi berritik igerilekuetara itxita egongo da bidea. Horregatik, UK01, UK02, UK03, UK05 eta UK06 zerbitzuek ez dute Sanjuandegin geldialdirik egingo egun horietan. Ez dute aurreikusi geldialdi horien ordez beste geldialdi batzuk jartzea.

 

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa