Ordubete aurreratu dute martxoaren 8aren harira antolatutako 'Gizonak eta feminismoa' hitzaldia

Uztarria.eus | Gizartea | Argazkia
2018-03-08 16:51

Azpeitiko mugimendu feministak Emakumeen Nazioarteko Egunaren harira antolatutako ekintzetako batzuk Gaztetxean egingo dituzte, bihar. Azken kontu batzuk medio, aldaketak egin dituzte egitarauan.

Hasiera batean Gizonak eta feminismoa hitzaldia 18:00etan hastekoa bazen ere, ordubete aurreratuko da. Izan ere, 19:00etan manifestazioa izango da Xabier Rey Urmeneta 'Antxo' euskal preso politikoaren heriotza salatzeko, eta bi hitzorduek kointziditu ez dezaten, solasaldia aurreratzea erabaki dute antolatzaileek. Horrenbestez, 17:00etan hasiko da Gizonak eta feminismoa hitzaldia.

Ondoren, 20:30ean hasita, jantoki begetarianoa izango da. Honako hau da menua:

Sarrerakoak: natxoak gazta saltsarekin. 
Lehenengo platera: espinaka, porru eta patata krema.
Bigarren platera: olo-hanburgesak, aukerako gehigarriekin.
Postrea: azenario pastela txokolatearekin.

Sabelak bete ostean, Olor bakarlariaren kontzertuaz gozatzeko aukera izango dute Gaztetxera bertaratzen direnek, 22:00etatik aurrera.

Informazio gehiago

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa