Azpeitiko Udalak sarrerak zozkatuko ditu igandean, martxoak 4, Izarraitz pilotalekuan jokatuko diren herri kirol finaletarako. 12:00etan hasita, hiru final izango dira jokoan igandean: Urrezko Aizkolarien gizonezkoen binakakoa, Urrezko Aizkolarien emakumezkoen banakakoa eta harri-jasotzaileen txapelketarena.
Zozketetan parte hartu nahi dutenek, jada eman dezakete izena, udaletxera deituta (943-15 72 00 da telefono zenbakia) edota udalzozketak@azpeitia.eus helbidera idatzita.