Hitzaldia antolatu du iganderako, hilak 14, Nabarralde Fundazioko Azpeitiarron Nafar Zuzterrak taldeak. 11:30ean jarri dute hitzordua Sanagustin kulturgunean, "lagunarteko giroan, kafea hartuz", Beñi Agirrek emango duen hitzaldia jarraitu nahi dutenentzat. Berak idatzitako Gipuzkoako historia nafarra liburuan jasotakoen gainean ariko da Agirre Azpeitian.
Hitzaldian jorratutako gaietan sakontzeko aukera izango dute hala nahi dutenek ondorengo bazkarian, Sanagustinen bertan. Bazkarian parte hartzeko asmoa dutenek, hori bai, izena aurrez eman behar dute, kulturgunean.