Nekane Azpiazuk egingo du 2018ko haurren danborradako karroza

Uztarria.eus | Festak | Artikulua
2017-12-29 12:06

Azpiazuk egingo du karroza, epaimahaiak hala erabakita, eta 1.500 euroko diru saria jasoko du azpeitiarrak. Aurten lau proiektu aurkeztu dituzte lehiaketara. Datorren urteko karroza egiteko gaia Sokamuturraren 500. urteurrena da. 

Aurtengo karrozaren irudia.  Ikusi haundiago | Argazki originala

Nekane Azpiazu azpeitiarrak egingo du datorren urteko San Sebastian egunean umeen danborradarekin aterako duten karroza, Udaleko Festa Batzordeak hala erabakita. Lau karroza proiektu aurkeztu dituzte aurtengo lehiaketara -iaz hutsik gelditu zen-, eta epaimahaiak Azpiazuren lana aukeratu du. Hori dela-eta, 1.500 euroko diru saria jasoko du azpeitiarrak.

Datorren urteko karroza egiteko gaia Sokamuturraren 500. urteurrena da. Izan ere, 2018an beteko dira 500 urte Azpeitian sokamuturra aurrenekoz egin zela. Epaimahaikideek esan dutenez, gaia "modu egoki, profesional eta eguneratuan" aurkeztu du Azpiazuk. 

Udalak eskerrak eman dizkie proiektuak aurkeztu dituzten herritar guztiei, egindako ahaleginagatik eta lehiaketan parte hartzeagatik.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa