"Jai egun arrotzak desobeditzeko", Herri Eskolak egingo dituzte bihar

Uztarria.eus | Hezkuntza | Artikulua
2017-12-05 19:36

Goizean, hitzaldi-tailerra izango da Gaztetxean, 11:00etan hasita. Ondoren, bertaratzen direnek bazkaria egingo dute. Arratsaldean, berriz, elkarretaratzea egingo dute, plazan. 

Hispanitatearen egunean egin zituzten Herri Eskoletako irudia. (Azpeitiko IA)  Ikusi haundiago | Argazki originala

Hainbat ikaslek Herri Eskolak egingo dituzte bihar, Espainiako Konstituzioaren Egunean. Goizerako nahiz arratsalderako prestatu dituzte ekintzak, "jai egun inposatuei eta arrotzei" desobeditzeko. 

11:00etan hasita, herriko ikastetxeetan identifikatzen dituzten "akatsez" ariko dira, hitzaldi-tailer formatuko solasaldian. Ondoren, Herri Eskoletara bertaratzen direnek bazkaltzeko tartea hartuko dute, Gaztetxean bertan. Arratsaldean jarraituko dute prestatutako ekintzekin. 16:00etan hasita, Ikasle Abertzaleakek deitutako kontzentrazioa izango da, Zuen konstituzioa ikasleon aurkako zapalkuntza lelopean, plazan.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa