Sistiaga Errekako harrobiaren inguruan istripua gertatu da gaur arratsaldean, 17:30 inguruan. Kamioi bat baso bide batean bidetik atera eta maldan behera erori da. 54 urteko gizon urretxuar bat (Gipuzkoa) zihoan ibilgailuaren barruan, eta suhiltzaileak bertaratu dira hari laguntzera. Konbultsioak, kolpeak eta zauriak zituen gidariak, eta Donostia Ospitalera eraman dute.