Larunbatean hasi ziren Santa Zezilia egunaren bueltako ospakizunak, Udal Musika Bandak Azoka Plazan eskaini zuen kontzertuarekin. Ez dira bukatu, baina, musikarien egunaren harira prestatu dituzten egitasmoak. Gaur, Santa Zezilia eguna, Juan Antxieta musika eskolako ikasleek emanaldia eskainiko dute, 19:00etan, Sanagustin kulturgunean. Lehenago, 18:30ean, Musikalean egitasmoa kalerat aterako dute ikasleek eta irakasleek; hain zuzen ere, plazan egingo dute saioa.