Aitor Gorrotxategiren gutuna: 'Zorionak, urrestildarrei'

Uztarria.eus | Iritzia | Artikulua
2017-11-15 09:54

Aitor Gorrotxategi Azpeitiko EAJren udal taldeko bozeramailearen iritzi artikulua da honako hau.

Oraingo honetan albiste pozgarri batekin gatoz. Dagoeneko publiko egin da Urrestillak bidegorria izango duela. Datorren urtean hasiko dira obrak, eta Azpeitiko EAJren taldean pozik gaude. Pozik, lehenik eta behin, urrestildarrengatik. Aspaldiko eskakizun bat errealitate bihurtuko delako, bi guneen arteko irisgarritasuna modu nabarmenean eta osasungarrian hobetuz gainera. Pozik, baita ere, egoera honetara denok batera arraun eginez iritsi garelako. Politika eginez, alderdikeriak alde batetara utzita eta herritarren onurari begiratuz. Egin behar den moduan.

Eskerrak Azpeitiko Udalari eta Mugikortasun eta Ogasun sailetako diputatuei beraien bitartez lortu delako bidegorria lehentasunen artean jartzea. Zorionez, herriko EAJk ere zerikusia izan du erabaki honetan, eta baita gure herrikoa den Javier Larrañaga Ogasun diputatuak ere, Marisol Garmendia diputatuak ostiraleko agerraldian azpimarratu zuen bezala. Hark adierazi zuenez, "Azpeitiko EAJren udal taldearen lanak ere eragin handia izan du" erabaki hartzerakoan proiektua aurrera atera dadin.

Badakigu beti ez direla nahi adinako emaitzak izaten politika arloan, baina denok norabide berean egindako lanaren fruitua erakusten digu honek.

Bidali:  

Erantzunak

Erabiltzailearen aurpegia Ieu | 2017-11-15 : 10:57

Alderdikeriak albo batera utziz... ;)

Erabiltzailearen aurpegia MAITE | 2017-11-15 : 12:21

Aitor, hau zer da Zorion gutun bat Urrestildarrentza, ala, EAJ hor dagoela eta ez ahazteko dioen mezu bat?
Umekeek ere hori egiten dute, atentzioa eman , ikusi daitezen...

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa