Azpeitiko Emakumeen Txokoak haurdunentzat tailerra antolatu du beste urte batez. Tailerrean parte hartzen duten lagunek haurdunaldi eta erditze garairako baliagarriak izango diren ariketa lagungarriak ikasiko dituzte. Horrez gain, arnasketa eta erlaxazio teknikak, yoga zein pilateseko luzatze ariketak eta umearekin kontaktatzeko ariketak egingo dituzte.
Saioak astelehenetan eta ostiraletan eskainiko dituzte, 18:15etik 19:30era bitartean. Edurne Salegik gidatuko du tailerra.
Informazio gehiago jasotzeko edo izen-ematea egiteko, Emakumeen Txokora (943-15 70 55) edo Parekidetasun Sailera (943-15 79 28) jo behar da.