Ipar martxa edo Nordic walking ikastaroa emango dute zapatuan, azaroak 11, Azpeitian. Espainiako eta Euskadiko federazioek antolatu dute eta oinarrizko ikastaroa izango da. 09:00etatik 12:00etara emango dute. Ikastaroan parte hartu nahi dutenek 30 euro ordaindu behar dute; antolatzaileek utziko dizkiete bastoiak parte-hartzaileei, behar izanez gero. Izena emateko, 602 33 25 36 telefonora deitu behar da (Juanma edo Ana).