Kluben Arteko Gipuzkoako Txapelketaren finalak jokatuko dituzte Ilunpeko pilotariek asteburuan

Uztarria.eus | Kirolak | Artikulua
2017-11-07 20:13

Kadeteen aurreneko mailan Alberdi eta Elosegi ariko dira, eta nagusien aurreneko mailan, Egiguren eta Salegi. Asteasuk hartuko ditu kadeteen finalak, ostiralean. Nagusiek, aldiz, Zumarragan jokatuko dituzte partidak.

Julen Egiguren eta Jon Alberdi jubenilak Euskal Herriko herriartekoaren finalaurrekoan.  Ikusi haundiago | Argazki originala

Ezker Hormako Kluben Arteko Gipuzkoako Txapelketaren eskuz binakako lehendabiziko finalak jokatuko dira datorren asteburuan, Asteasun eta Zumarragan. Azpeitiak izango du ordezkaritza jaialdian, Ilunpe pilota elkarteko lau pilotarik jokatuko baitituzte finalak. Eskuz binakako kadeteen aurreneko mailan Alberdi eta Elosegi ariko dira, eta nagusien aurreneko mailan Egiguren eta Salegi.

Alberdik eta Elosegik ostiralean jokatuko dute finala Asteasun, Tolosa-Aurrerako Altuna eta Ugartemendiaren aurka. Partida 19:30ean hasiko da Usarrabi pilotalekuan.

Zapatuan, aldiz, Egigurenek eta Salegik aurrez aurre izango dituzte Intxurreko Zubiria eta Irazustabarrena, Zumarragako Beloki frontoian. Aurreneko mailako mutilen lehia 11:00etan hasiko da. 

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa