Martxan da 2018ko Azpeitiko haurren danborradako karroza lehiaketa

Uztarria.eus | Kultura | Artikulua
2017-11-06 12:04

Karroza egiteko gaia Azpeitiko kaleko zezenak, sokamuturrak, 500 urte (1518-2018) da. San Sebastian eguneko haurren danborradako karrozaren egitasmoak azaroaren 30a bitartean aurkeztu beharko dira udaletxean.

Aurtengo haurren danborradako karroza.  Ikusi haundiago | Argazki originala

Datorren urteko sansebastianetako haurren danborradarako karroza diseinatu eta egiteko lehiaketa martxan jarri berri du Azpeitiko Udaleko Festa Batzordeak. Karroza egiteko gaia Azpeitiko kaleko zezenak, sokamuturrak, 500 urte (1518-2018) da. Izan ere, 2018an beteko dira 500 urte Azpeitian sokamuturra lehen aldiz egin zenetik.

Karrozaren aurrekontuak ezin du 7.800 euro baino handiagoa izan, eta lehiaketaren irabazleak 1.500 euroko diru-saria eskuratuko du. Karrozaren egitasmoak aurkezteko epea azaroaren 30ean, osteguna, bukatuko da, eta proposamenak udaletxean aurkeztu behar dira.

Karroza 2018ko San Sebastian Eguneko haurren danborradan aterako da. Hona hemen karrozaren proiektu eta errealizazio lehiaketaren oinarriak:

  • Nahi duten pertsona nahiz talde guztiek har dezakete parte. Pertsona edo talde bakoitzak proiektu bakarra aurkez dezake.
  • Lanak edozein teknika edo material erabiliz egin daitezke.
  • Proiektuak, nahi eta nahiez, sortu berriak izan beharko dute, hau da, norberak sortutakoak, eta lanaren egileak izango du erantzunkizun osoa baldintza hau ez betetzearen ondorioz gerta daitekeen edozein erreklamazioren aurrean.
  • Karrozaren neurriak ondorengo hauek dira: 2,80 metroko zabalera x 3,85 metroko luzera eta 3,20 metroko altuera.
  • Lanak sinatu gabe aurkeztu beharko dira eta aparteko sobre batean egilearen datuak zehaztuko dira: NAN, zuzenbidea, telefonoa eta Currikuluma.
  • Aurreproiektuak aurkezteko epea azaroaren 30an amaitzen da. Epaimahaiak erabakia emango duen eguna modu egokian jakinaraziko da.
  • Proiektuak, ondorengo helbidera bidali beharko dira: Azpeitiko Udala (Festa Batzordea) Enparantza Nagusia, 5. 20730 Azpeitia. Telefono zenbakia: 943 157068.
  • Epaimahaia Azpeitiko Udalak izendatuko du eta bost pertsonek osatuko dute. Ordezkaritza Udaletxe eta dekoradore eskolakoek osatuko dute.
  • Aurkeztutako proiektuen artean bakar bat aukeratuko da bere errealizaziorako adjudikatuko delarik.
  • Planoak, bozetoak, aurrekontu zehaztu bat eta gehienez A-4ko bi orrialdetan azaldutako memoria bat aurkeztu beharko dira. Aurrekontuak ezingo du izan 7.800,00 €euro baino gehiagokoa.
  • Lehiaketaren irabazleak 1.500 euroko €saria jasoko du.
  • Lehiaketa hutsik gera daiteke, epaimahaiaren iritziz aurkeztutako proiektuek ez badute behar adinako kalitate edo baliorik.
  • Oinarri hauek eta bere baldintzak betetzen ez dituzten proiektuak ez dira onartuak izango.
  • Deialdi honetan parte hartzeak, oinarri hauek onartzea esan nahi du.
  • Epaimahaiak erabakiko ditu oinarri hauetan agertzen ez diren arazo guztiak eta honen erabakia apelaezina izango da. Epaimahaiak karrozaren ejekuzio garaian jarraipen lanak egingo ditu. Lan proiektuak epai-mahaiaren oniritzia eduki beharko du ordainketa osoa jasotzeko.

Aurtengo karroza lehiaketa hutsik gelditu zen.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa