Arkupehotsak egitasmoaren barruan, Falta eta Nau taldeen kontzertuak izango dira igandean

Arkupehotsak egitasmoaren barruan, bigarren kontzertuak izango dira igandean. Falta Hazparneko (Lapurdi) hirukoteak eta Nau donostiarrek eskainiko dituzte emanaldiak, 19:00etan, Sanagustin kulturguneko arkupean. Sarrera doan izango da.

Falta taldea iaz sortu zen, eta post-rocka lantzen du. Besteak beste, Pink Floyd, Nirvana, Dut eta Lisabo taldeen eragina antzeman daiteke beren abestietan; Nau, berriz, Mizturan aritutako hiru lagunek osatzen dute, eta pop-rocka lantzen dute.

Euskal Herriko musikari eta proiektu berriei plaza eskaintzea du helburu Arkupehotsak proiektuak, eta urtarrilera bitartean hainbat kontzertu izango dira. Hurrengoa, azaroaren 17an izango da.