Citroen C-15 baten eta txirrindulari baten arteko istripua izan da gaur arratsaldean, Azpeitian, GI-631 errepidean, Lasaoko bidegurutzearen inguruan. 16:15ean gertatu da ezbeharra, eta Eusko Jaurlaritzaren Segurtasun sailak jakinarazi duenez, txirrindularia Zumarragako Ospitalera eraman dute, gorputzean hainbat kolpe dituelako. Dena den, jakinarazi dute gizonezkoa ez dagoela larri.