Haurrei zuzendutako bi igeriketa ikastaro antolatu ditu Kirol Patronatuak azarorako eta abendurako. Ikastaroetako bat, Jolasen bidez, kendu beldurra urari eta ondo pasatu izenekoa, 4 eta 6 urte bitarteko umeei zuzendutakoa da. Azaroaren 27tik abenduaren 20ra bitartean egunero izango dute ikastaroa, 17:30etik 18:20ra bitartean. Kirol Patronatuko bazkideek 54,08 euro ordaindu beharko dute, eta, gainerakoek, 94,66 euro.
Beste ikastaroa, berriz, 7 eta 13 urteko gaztetxoei zuzendutakoa da. Azaroaren 27tik abenduaren 20ra egunero eskainiko dituzte saioak, 18:20tik 19:10era. Bazkideek 54,08 euro ordaindu beharko dute ikastaroa, eta bazkide ez direnek, 94,66 euro.
Dagoeneko zabalik dago izen-emate epea, eta igerilekuan eman behar da ikastarorako izena.