Urriarekin batera iritsiko da herrira Organo Erromantikoaren Nazioarteko XVIII. zikloa. Azpeitian, Azkoitian eta Bergaran eskainiko dituzte kontzertuak txoko ezberdinetako abesbatzek, organo-joleek eta musikariek. Azpeitiko kontzertuek Loiolako Basilikan hartuko dute leku, igande arratsaldez. Zuzeneko guztiak 20:00etan hasiko dira, eta aurrenekoa urriaren 8an eskainiko dute. Ainhoa Zubillaga mezzoa eta Loreto Fernandez organo-jotzailea izango dira Azpeitiko aurreneko kontzertua eskainiko dutenak.
Azkoitian Amabirjinaren Jasokundearen parrokian eskainiko dituzte kontzertuak, urriko zapatu guztietan, 20:00etan hasita. Bergaran, berriz, Santa Marina Parrokian hartuko dute Organo Erromantikoaren Nazioarteko Zikloa urriaren 7an, 14an eta 21ean.
Honakoa da egitaraua, osorik:
Azpeitia (Loiolako Basilika)
Urriak 8, igandea, 20:00etan:
Ainhoa Zubillaga mezzoa eta Loreto Fernandez organo-jotzailea.
Urriak 15, igandea, 20:00etan
Franz Hauk organo-jotzailea.
Urriak 22, igandea, 20:00etan:
Aretxabaleta abesbatza.
Jose Luis Frantzesena organo-jotzailea.
Itziar Urbieta organo-jotzailea.
Azkoitia (Amabirjinaren Jasokundearen Parrokia)
Urriak 7, zapatua, 20:00etan:
Landarbaso Abesbatza.
Oier Etxaburu organo-jotzailea.
Urriak 14, zapatua, 20:00etan:
Giampaolo Di Rosa organo-jotzailea.
Urriak 21, zapatua, 20:00etan:
Ertizka otxotea.
Esteban Elizondo organo-jotzailea.
Urriak 28, zapatua, 20:00etan:
Organo ikasleen kontzertua.
Bergara (Santa Marina Parrokia)
Urriak 7, zapatua, 20:00etan:
Bergarako orfeoia.
Aitor Olea organo-jotzailea.
Urriak 14, zapatua, 20:00etan:
Bi zati izango dituen kontzertua. Aurrenekoan:Bernhard Marx organo-jotzailea.
Bigarren zatian: Gorka Zabaleta txistua, Jose Javier Lera perkusioa, Fernando Gonzalo organo-jotzailea.
Urriak 21, zapatua, 20:00etan:
Ainhoa Zubillaga mezzoa.
Loreto Fernandez organo-jotzailea.