Gaurko egunez duela 81 urte, 1936ko irailaren 20an, tropa frankistek Azpeitia hartu zuten. Data horren urteurrena gogoan, Udalak uztailean argitaratutako Eusko Gudarostea: Eusko abertzaleak, armak eskuan, Espainiako militarren altxamenduaren aurka liburua doan eskuratzeko aukera eskainiko du bihar, osteguna, 11:00etatik 13:00etara udaletxeko arkupeetan.
Bestalde, agortuta dagoen Azpeitia 1936-1945 liburua sarean jarriko dute bihar. Udalak azaldu duenez, ekintza horien bidez, "herriko historia ezagutzen eta ezagutarazten, eta protagonistei izen abizenak jartzen", jarraitu nahi du, "egia ezagutu eta justizia egitearen bidean memoria zabaltzea delakoan ekintzarik eraginkorrena".