Azpeitiko kiroldegian jokatuko da Saskibaloiko Euskal Kopa, asteburuan. Ostiralean, hilak 22, jokatuko da aurreneko partida, eta igandera arte luzatuko da. Txapelketan parte hartuko dute Urrezko LEB Ligako bi euskal taldeek – Sammic Hosteleria ISB eta Araberri– eta Zilarrezko LEB Ligako Baskoniak.
Txapelketako aurreneko partida Sammic Hosteleriak eta Baskoniak jokatuko dute, ostiralean, 20:30ean hasita. Zapatuan, berriz, Baskoniaren eta Araberriren txanda izango da, 18:30ean. Azken partidan, igandekoan, parez pare izango dira Sammic Hosteleria ISB eta Araberri, 18:00etan hasita.